Lafaek News—Professor Doutor, Afonso de Almeida, simu pasta nu’udar Vise-reitor asuntu pos-graduasaun ba peskiza iha Universidade Nasional Timor Lorosa’e (UNTL) hafoin troka vise-reitor matebian Gabriel de Sá, sei tau prioridade ba planu tolu nune’e hasa’e koiñesimentu lisensiatura atu bele tama iha merkadu traballu.
“Ha’u tau prioridade ba planu tolu mak importante ba UNTL, primeiru máka ita reativa fila fali kursu sira ne’ebé kansela husi Ministériu Ensinu Superior; segundu iha ligasaun ba kursu foun ne’ebé atu loke fila fali; no mós kursu ba mestradu no dotoramentu sira,” dehan Vise-reitor asuntu pos-graduasaun UNTL, Afonso de Almeida, ba jornalista sira hanfoin simu pose iha UNTL Liseu, sesta, (02/07/2021).
Entretantu Magnífiku Reitór UNTL, João Soares Martins, liu husi nia diskursu hatete, serimonia tomada de pose ba vise-reitor asuntu pos-graduasaun peskiza ba profesor (Afonso de Almeida) ne’ebé asume ona kargu ba vise-reitor UNTL hodi troka fali matebian (Gabriel de Sa) ne’ebé hakotu i’is iha (03/03/2021).
“Ohin ami hala’o serimonia tomada de pose ba vise-reitor asuntu pos-graduasaun peskiza profesor doutor Afonso de Almeida, hodi troka fali matebian nia fatin hodi priense kargu vise reitor nian,” niahakotu.
Jornalista : Sonia de Almeida
Asisten Editór : Pedro de Almeida
