Lafaek News— Kazu Pozitivu Foun 63, entre númeru ne’e 42 iha Dili, Ainaro 1, Aileu 1, Baukau 12, Bobonaru 1, Covalima 4, Ermera 1 no RAEOA 1, Óbitu ( mate ) Bebe Mane 1 Fulan 7 Iha Baukau.
“Kazu detetatu foun ne’ebé relata ohin loron 29 de Juñu de 2021: 63 (iha Dili 42, iha Munisipiu seluk hamutuk 21), total kazu detetadu foun ohin: mane 39, feto 24 no detetadu foun ohin, hirak ho idade tinan 12:1, ho idade entre 12-59 nain 62 (98,4%), ho idade 60:0, total kazu detetadu foun ohin, 3 % sintomátiku (hatudu sintomas),” esplika kordenadór forsas tarefas ba orevensaun no mitigasaun surtu covid-19, Rui Maria de Araújo, ba jornalista sira liu husi komunikadu imprensa, Tersa (29/06/2021)
Nia hatutan, Kazu rekuperadu ne’ebé ralata ohin, dia 29 de Juñu 2021: 73, kazu ativu ohin:790, kazu konfirmadu kumulativu iha 29 de Juñu 2021 (sura husi 21 Marsu 2020): 9118.
Koordenadór ne’e informa, Óbitu ne’ebé relata ohin, 29 de Juñu 2021: 1 (ida), ho detallu hanesan tuir mai: Bebé mane, idade fulan 7, Timor oan, hela iha suku Bahamori, Postu Administrativu Venilale, Baukau, Inan-aman detetadu pozitivu, asintomátiku, iha 21 Juñu.
Nune’e, Iha loron 23 Juñu, bebé hahú isin manas mear, maibé ninia rezultadu PCR negativu, tanba bebé ne’e tama kritériu kontaktu-besik husi inan-aman ne’ebé pozitivu, Iha dia 25 Juñu repete teste PCR, no Teste daruak ne’e hatudu resultadu pozitivu ho cycle threshold (CT) N2gene 26,7, Egene 25,3. Médiku sira iha ospitál referénsia Eduardo Ximenes Baukau deside enkamiña ba Vera-Kruz, ho dignoza traballu bronchopneuonia, hahú 26 Juñu ninia kondisaun deterioriza, ho iha 28 Juñu i’is-kotu iha Vera-Kruz, ho sindroma insufisiénsia respiratória aguda (SIRA) difisil atu dada-i’is, tanba kauza husi Covid-19.
Tan ne’e, Familia koordena ona ho ekipa saúde atu hala’o funeral tuir protokolu ne’ebé adopta iha Timor-Leste.
“Iha loron 29 Juñu 2021, izolamentu Vera-Kruz halo tratamentu ba kazu detetadu nain 13, iha área obstetrisia nain 3, iha medisina interna nain 10, sira nain 3 iha obstetrisia, kategoria leve (mild) hotu, husi sira nain 10 iha medisina interna, 3 grave/krítiku (1 uza ventilador, nain 2 uza oksijéniu), nain 2 moderadu, nain 5 leve (mild),” tenik nia
Jornalista : Sandi Belo
Editór : Agapito de Deus
