Lafaek News—Diresaun Nasioanal Protesaun Sivil fo ona apoiu ba Famalia sira ne’ebé mak hetan estragus iha teritoriu laran tomak durante kalamidade iha loron 4 fulan abril 2021 hamutuk familia 22.220 hela familia 7.987 mak seidauk konsege fo apoiu.
“Dadus ne’ebé afeta ba Inundasaun iha loron 4 fulan abril liu mak rejistu iha Diresaun nasional protesaun Sivil hamutuk Familia afetadu 30.207 lakon 14 mate 24 afetadu barak liu mak iha kapital Munisipiu Dili 24.626″, Deklara Sekretario estadu protesaun Sivil Joaquim J.G.R Martins, hafoin tuir atividade avalisaun alerta sedu ba inundasaun iha kapital Dili iha JL-Villa Fatuhada tersa semana ne’e.
SEPS kompromente, familia sira ne’ebé seidauk hetan apoiu ne’e sei esforsu iha fulan juñu too Jullu hodi hetan apoiu emerjénsia.
Maibe, nia dehan, SEPS mos depende ba sasan ne’ebé mak iha, osan ne’ebé mak SEPS tau iha 2021, gasta hotu ona agora ne’e adere hela ba fundus kontizénsia ne’ebé foin aprova iha Parlamentu Nasional.
“Ita nia ajénsia kuaze iha Timor laran tomak durante sira fo apoiu makas tebes, se laiha ajénsia sira ita protesaun sivil mos araska ituan, hanesan ajénsia umanitária instituisaun privadu sira hotu ne’ebé mak hatama sasán ba iha protesaun sivil hodi bele kanaliza fali ba iha familia afetadu sira,” hakotu SEPS.
Jornalista : Rita Moniz
Editor : Agapito de Deus
