Lafaek News—Emprezariu Ermera Oan atúal Prezidente Kámara Komérsiu Industria Timor- Leste (CCI-TL), Oscar Lima, husu governu liuhusi ministériu Agrikultura Peskas (MAP) estuda buka téknika seluk hodi kuda fali ai seluk troka ai-samtuku ne’ebé agora da-daun mate hotu ona.
“Ami husu ba MAP se bele hanoin netik kona-ba kafé iha Ermera tanba ai samtuku iha Ermera kuaze mate hotu no fó impkatu mós ba kafé mate hotu entaun husu ba MAP estuda tok teknika ai saida mak iha hodi troka fali ai samtuku nune’e bele hamoris nafatin kafé iha Ermera,” Oscar Lima iha lansamentu ba produtu lokál iha Kolmera Dili, 15/06/2021.
Iha fatin hanesan, Ministru Agrikultura Peskas (MAP) Pedro Reis, hateten, kafé ne’e uluk kedas sai identidade Timor-Leste nian no agora mosu tan produtu sira seluk tan
“Realidade agora mosu ona moras ai nian no hamate ona ai-samtuku maibé ida-ne’e Ministériu sei la nonok, iha diresaun tekniku, diresaun floresta nian ami sei buka rezolve mais ou menus ai saida mak iha hodi troka fali ai samtuku ne’e nune’e bele hamoris hikas kafé labele mate,”dehan MAP, Pedro Reis.
Jornalista : Egidio Nono
Editór : Agapito de Deus
