Lafaek News—Administradór Munisípiu Lautem Domingos Savio, husu populasaun munisípiu Lautem atu simu vasina hodi bele Kontra hasoru covid-19.
“Papel ekipa taskforce munisípiu Lautém nian kontinua sosializa ba sidadaun sira oinsá iha vontade atu simu vasina ne’ebé governu prepara ona ba sidadaun sira, Lautém nafatin konsisten atu ema hotu livre husi covid-19 dalan úniku maka sosializasaun atu komunidade sira simu vasina tanba vasina governu fo ne’e gratuita,” Domingos Savio hatoo asuntu ne’e iha segunda semana ne’e.
Iha nasaun Europa balu hahú livre ona, tanba simu vasina realidade hatudu iha jogu sira iha Europa sidadaun balu hahú la uza ona mascara hodi partisipa iha eventu boot balu, tanba ne’e husu komunidade Lautém simu hodi bele livre halo atividade.
“Ita kontinua sosializa ba sidadaun sira liu husi administradór Munisípiu ba to xefe suku no aldeia sira atu kontinua sosializa ba sidadaun sira kona-ba vasina ne’ebé mak governu fo ba ita,” dehan nian.
Entretantu, ekipa taskforce munisípiu ne’ebé establese ona ona iha fulan Abríl liu ba kontinua tur hamutuk atu buka solusaun ba sidadaun Lautém sira nia partisipasaun iha vasina ne’ebé mak hahu fila-fali ba faze daruak iha loron 15 fulan ne’e.
Jornalista : E.Lautem
Editór : Agapito de Deus
