Lafaek News—Prezidente Rejiaun Autoriedade Espesial Oe-kusse no Ambenu (RAEOA), Arsenio Bano, too agora seidauk foti desizaun atu transporta povu atoni-oan ne’ebé da-daun toba provizóriu iha edefísiu ZEEMS Faról Dili.
Tuir portavoz, Zecafriado Afulit Coa, hateten kuaze semana ida ona totál ábitante husi Atoni-oan 27 toba de’it iha edifisiu ZEESM Faról Dili, iha loron 18 fulan maiu 2021, too ohin loron 24 Maiu 2021, tanba Preziente Autoriedade RAEOA seidauk foti desizaun hodi transporta ábitante hirak ne’e ba RAEOA.
“Ami hela de’it iha ne’e durante semana ida ona ami hamutuk 27 toba de’it iha ne’e no ami husi prezidente autoriedade RAEOA atu foti desizaun hodi rezolve lalais,”dehan porta vos Zecafriado Afulit Coa, 24/05/2021.
Tuir nia, husi governu sentrál no-mos SIJK autoriza ona atu transporta sidadaun iha Dili ba munisípiu hanesan Kovalima, no seluk tan, maibé RAEOA nian to’o agora seidauk transporta.
Iha dadus provizóriu totál ábintante 857, ne’ebé hela iha kost hamutuk 653, no hela iha uma privadu 204, no totál ne’ebé teste swab ona 239, seidauk swab 618, inkluí labarik 16.
liga ho preukupasaun povu Atoni-oan sira ne’e, jornalista Lafaek News, Egidio Nono tenta konfirma via telefone ba Prezidente RAEOA, Arsenio Paixão Bano, maibe la atende, enkuantu antes ne’e mos autoriedade RAEOA-ZEESM ne’e publika liu husi media sosiál (facebook) privadu, katak sei buka meius hodi transporta Atoni-oan sira husi Dili ba Oe-kusse.
Jornalista : Egidio Nono
Editór : Agapito de Deus
