Lafaek News–Portavoz sekretariadu apoiu kandidatura prezidente repúblika José Ramos Horta, Avelino Coelho konsidera Ministériu Administrasaun Estatal (MAE) laiha kapasidade intermus jestaun realidade produsaun bulletin votus la too votantes barak la ezerse direitu sidadaun.
Komunikadu imprensa ne’ebé lafaek news asesu tuku 5: 39, husi sekretariadu apoiu kandidatu José Ramos Horta, sita katak bazeia ba lei eleitoral, iha períudu loron 30 antes, STAE publika númeru husi sentru votasaun tomak, husi númeru publikadu, totaliza 1200 sentru votasaun, iha ne’ebé iha nasional hamutuk 1. 191 no iha estranjeiru hamutuk sentru votasaun 9, inklui sentru votasaun paralelo 3 iha kapital Dili, ne’ebe lokaliza iha STM Bekora, GMT no INAP,
Sentru votasaun paralelu, tuir lei, kria atu fasilita eleitor nebe husi estudante-sira no funsionariu Estadu-sira ne’ebe laiha posibilidade atu desloka ba sira nia munisipiu de orijen, funsionamentu prosesu votasaun ne’ebe STAE publika iha jornal de republika mai ho objetivu atu identifika fatin ba eleisaun bazeia ba numeru eloeitoral ne’ebe existe iha baze dadus STAE nian.
Buletin de votus ne’ebe STAE produz bazeia ba total eleitoradu nebe rejistadu no refere ba dadus ne’ebe STAE iha. Husi total eleitoradu existente iha base de dadus, ba previjaun karik nesesasriu, STAE produs mos tan 25% bulitin husi total eleitorado rejistadu, maibé iha realidade, existe sentru votasaun balun maka bulletin votus la to’o, hanesan akontese iha munisipiu sira tuir mai, Dili suku Maskarenhas ho Ailok laran, iha Manufahi postu same ho suku Daisua, iha Manatuto husi suku kribas.https://lafaeknews.tl/dadur-56-la-partisipa-votasaun-elprez/
Kronolojia akontesimentus antes, durante no depois Eleisoens Prezidensiais, Iha Laleia, aldeia Haturalan, fiskais balun les fahe buletin de votu ba rua maka fo ba eleitoradu sira hodi vota, iha sentru votasaun paralelu tolu ne’ebé existe, mais de 2000 númeru eleitotradus maka lakon direitu votu, votasaun ambulante iha Hospital Guido Valadares no iha Hospital Referal Maliana, familia pasiente labele exerse sira nia direitu, tanba laiha koordenasaun entre STAE ho hospital, hamosu problema ho familia pasiente sira.
Sentru votasaun Bebonuk kontajen halo iha sala laran ho taka odamatan, Bulletin de votus iha fatin barak maka la to’o, maibé STAE produz númeru bulletin liu 25%, Sentru votasaun iha Komoro, Dili iha dez-intendimentu entre eleitor sira ho orgaun eleitoral, parte responsavel la konsege kontrola provokasaun sira ne’ebe mosu iha sentru votasaun balun.
Husi dadus nebe ami sita, permite ami konklui, Ministru Administrasaun Estatal, dala ida tan, demonstra nia inkapasidade iha jestaun prosessu eleitoral, Orgauns eleitorais, hanesan STAE , la konsegue administra sentrus paralelos, em kordenasaun ho ministériu edukasaun, Ministériu Administrasaun Estatal no Komisaun Funsaun Publika, hodi rejulta sidadaun sira ke hakarak exerse nia direitu síviku hanesan konsagradu iha Konstituisaun da RDTL, lakon sira nia votu.
Husi aktus de kontajem nebe akontese iha Sentru Votasaun Bebonuk, Sentru Votasaun Kamea no fatin seluk tan hatudu momos tentativa de fraude eleitoral, konsidera situasaun sira refere iha leten hatudu momos katak iha violasaun grave ba direitu sidadaun-sira nian, no viola normas konstitusionais.
Ami exije Oraguauns nebe liga ho processu eleitoral atu buka dalan nebe bele garanta sidadausn sira exerce sira nia direitu síviku ka direitu de voto hanesan konsagradu iha artigu 47 C-RDTL, Ministru Administrasaun Estatal atu rekonsidera nia kibit iha area administrasaun Estatal, se laiha kapasidade diak liu rejigna an tiha, atu CNE foti dalan tuir nia kompetensias foti prosesu hasoru aktus ka iregularidades nebe iha ba entidades ka orgauns kompetentes em rajaun da material eleitoral, husu mos ba forsas de seguransa atu exerse nia kna’ar hodi garanta durante periodo kontajen no apuramentu iha nivel hotu bele iha segureansa, paz no tranquilidade,’’ kata Portavoz Avelino Coelho.
iha parte seluk, dadur hamutuk 56 Iha Becora la partisipa votasaun tanba ho kondisaun moras defisiensia hanoin, nomos balun husi estranjeiru, balun idade sei kiik, nomos seluk la iha kartaun eleitorál.
Tuir dadus ne’ebé relata husi Diretur Prizaun Becora nian, João Domingos Soares, hateten,dadur sira ne’ebé la partisipa iha votasaun ba eleisaun prezidensial 2022-2027, hamutuk 56, husi totál ne’e, 37 la iha dokumentus, 11, defisiente hanoin, no na’in ida tinan -17.
Dadur sira ne’ebé partisipa iha votasaun ba eleisaun Prezidensial 2022-2027, hamutuk, 418, block , 53, block, B,31, block, C, 59, block D, 46, block E 71, block F 74, block G 5, block H/kuziña 26, Centro A, 30, Centro B 21, CELLA FETO,2, IJTL/ZEEMS, 0.
Totál dadur iha prizaun Becora hamutuk, 474, kompostu husi, block A, 61, block, B, 35, block, C, 65, block D, 51, block E 76, block F 79, block G 20, block H/kuziña 30, Centro A, 30, Centro B 22, CELLA FETO, IJTL 1.
Jornalista : Egidio Nono
Editor : Agapito de Deus
