Lafaek News—Mane Oan ho idade 12, moris ho kondisaun defisiénsia iha liman, ninia prezensa halo defirénsia tebes ho ema normal, maske la eskola, maibé nia iha matenek natural kona-ba toka pianu.
Virgilio António da Cuinha ida 12, moris iha loron 16, fulan Fevereiru 2012, aldeia Umenoa suku Chuna, Postu Administrativu Pante-makasar, RAEOA, ho naran istimadu Jua.
Joa nia inan-aman hakarak nia tenke hetan hikas saúde normal, durante sei iha inan nia isin ativu iha ospital kondisaun di’ak, bainhira Joa moris nia sofre kedan isin manas lori, nune’e nia inan deside lori ba tratamentu iha postu saúde suku Lalisuk, dotor sira sona aimoruk konsege di’ak, la lilu semana ida moras fila-fali, nune’e lori fali ba postu saúde hodi kontinua tratamentu, ikus mai dotor sira deteta Joa sofre epilepsia, labele ona atu halo kurativu too idade 12 mós la’o la di’ak, nune’e Joa tenke hela de’it iha uma hodi hamaluk ho nia pianu.
Honório Cunha ho Zelia da Conceição nudar Joa nia inan-aman, nia mama la kole too agora hakarak Joa tenke hetan tratamentu ne’ebé di’ak liu atu nia oan mane Joa bele rekupera husi moras refere.
“Hakarak oan hetan terapia tanba ne’e lori ba ospital maibé leno laser de’it, karik iha fatin seluk ajuda nia oan hodi hetan terapia atu Joa bele di’ak fali, ha’u lori ba ospital maibé sira leno de’it mak ha’u la ba ona, nia la’o di’ak, maibé ba so’e bee bot hodi fase mak labele, loron ami troka malu hein nia iha uma,” Zelia haktuir ba Lafaek News hafoin vizita iha nia rezidénsia Joa nian iha suku Cunha foin lalais.
Honório hanesan aman hakarak Joa tenke eskola, maibé kondisaun la’o la diak, nune’e Joa hela de’it iha uma, hamaluk ho nia pianu, ikus Joa matenek ho muzika ne’ebé sai favoritu ba nia, Joa mos kanta lian Ingles furak loos.
Joa hetan tulun Pianu ne’e husi padre ida, (la lembra naran), tanba Joa nia talentu mak toka pianu ne’e, no ohin loron nia matenek tebes iha toka pianu ne’ebé hetan husi padre ida.
“Ha’u hakarak nia mós tama escola, tanba nia iha uma nia gosta toka múzika iha pianu nia mós kanta mujika Ingles, orgam ne’e amu mak sosa ba nia dehan nia aman, Joa nia liman parte los mak kar la metin no ain la’o la metin, dala ruma monu tanba, lao mesak labele inan-aman husu kadeira roda ba organizasaun sira hodi nia bele asesu ba fatin públiku,” lia ikus husi inan aman. Inan-aman husi defisiénsia Virgílio mos husu ba maluk hotu karik iha maluk ruma ne’ebé hatene terapia atu bele halo tratamentu ba nia oan hodi hetan fila fali saúde di’ak.
Jornalista : Acacio Pinto
Editor : Agapito de Deus
