Lafaek News–Timor Leste Press Union (TLPU), konsidera oitavu governu konstitusional liu husi Ministru Asuntu Parlamentar no Komunikasaun Sosiál (MAPKOMS) ho Ministériu Finansas (MF) ladun tau importánsia ba servisu Jornalista lina frente iha ámbitu propagasaun covid-19 iha Timor Leste.
Sekretariu jeral TLPU, Zezito da Silva, hateten afirma TLPU nu’udar organizasaun ida ne’ebe fo mahon ba jornalista Timor-oan tomak ho objetivu atu promove no defende direitu jornalista sira nian bainhira halo kna’ar profesional iha orgaun komunikasaun sosial, husu ba governu atu konsidera Jornalista sira nu’udar front line hanesan ekipa sira seluk ne’ebe hetan ona suplementu remuneratóriu.https://lafaeknews.tl/selesaun-dokumentus-jornalista-lina-frente-iha-mapkoms-atinje-ona-pursentu-70/
TLPU husu ba ministeriu finansas, atu bele pronúnsia buat ruma ba públiku liu-liu jornalista sira nia direitu ne’ebe previstu ona iha dekretu lei, katak tanba saida maka prosesu ne’e paradu iha ministériu finansas, karik dokumentu ruma maka seidauk kompletu ka iha eru tékniku ruma akontese karik bele komunika fila-fali, ba MAPKOMS atu bele hatutan ba media sira hodi prenxe rezekitu sira ho lolos,” Sekjen TLPU hatoo ba jornalista sira liu husi konferensia Imprensa iha jardin 5 Maiu Kolmera, kuarta (06/04/2022).
Zezito dehan, maske governu trata jornalista sira hanesan ema ne’ebe laiha skill ona, maibé kontinua dada prosesu pagamentu ne’e to bainhira, TLPU husu hakarak esklaresimentu husi Ministeriu Finansas, nune’e responde preokupasaun jornalista sira nian
Iha fatin hanesan, prezidente organizasaun, Timor Leste Press Union (TLPU), Cándido Alves reforsa, TLPU hanesan mahon ba jornalista hotu, hanesan prezidente organizasaun ne’e ezije governu buka ona solusaun ba direitu jornalista lina frente.
Ho konferensia Imprensa ida ne’e ita la hapara iha ne’e ita tenki buka atu hatene oinsa, oinsa ukun ne’ebe ministeriu sira hasoru hodi hasoru prosesu ne’e paradu, ema hotu-hotu hotu ona PNTL, F.FDTL, numeru husi rihin ba rihun hotu ona, ita ne’ebe sura konta ho liman, ita halo ita nia knar katak ohin ita halo oihin ne’e povu hatene hotu tanba sa maka to agora ita nian sei paradu nune’e, tanba ne’e makaho konferensia ida ne’e ita la para iha ne’e buka nafatin” nia hakotu
Jornalista : Azelio da Cruz
Editor : Agapito de Deus
