Lafaek News— Tékniku husi eletrisidade Timor Leste (EDTL) Servisu Agua Saneamentu (SAS), sei identifika area hirak ne’ebé populasaun seidauk asesu ba bee-mós no eletrisidade.
Asunto ne’e hato husi Sekretáriu Estadu Eletrisidade Bee no saneamentu (SEAS), Santos Noronha, hafoin enkontru ho tékniku PLN Indonésia, tersa (12/09/2023), iha salaun reuniaun EDTL Kaikoli Dili
“Ita haruka Tékniku sira para identifika fatin sira ne’ebé durante ne’e seidauk assesu ba bee mós ita espera katak ita nia tékniku ne’ebé mak ita hari liu husi ekipa konjuntu Gabineti Sekretáriu estadu nian BTL EDTL bele identifika problema sira ne’e nune’e area sira ne’ebé bee laiha eletrisidade balun mós Laiha ita identifikadu ita prosesu para ita bele aselera hodi fornese bee ba sira,” dehan SEAS Santos Noronha ba jornalista sira iha salaun reuniaun EDTL Kaikoli.
Goveranten ne’e haktuir, iha munisípiu barak mak asesu ona be mós no problema komplikadu barak liu mak iha kapitál Dilii.
Entretantu iha enkontru ne’ebé hala’o Ho PLN Indonésia nian ne’e sei hare liu kona ba setor eletrisidade Indonésia nian ne’ebé mai halo aprezentasaun ba iha EDTL Timor Leste hodi servisu hamutuk dezenvolve EDTL ba oin la’o ho di’ak.
“Sira mai halo apresentasaun mai iha EDTL ita hamutuk hodi hare oportunidade sira ne’ebé mak ita bele servisu hamutuk hodi bele dezenvolve setor eletrisidade de Timor-Leste nian”
Iha enkontru ne’e mós Sekretáriu estadu husu mos PLN Indonézia apoiu kapasita Building bele ajuda fo formasaun mós ba tékniku EDTL sira liu-liu iha area espesifíku sira seluk, aleinde ne’e governante ne’e mós aprezenta dadus balun ba PLN Indonézia hodi bele servisu hamutuk iha futuru.
Jornalista : Felix Fernandes
Editor : Agapito de Deus
