Lafaek News—Movimentu Tane Repúblika Demokrátika Timor Leste (RDTL) kestiona kapasidade deputadus sira ne’ebé reprezentante povu iha uma fukun parlamentu nasional, presiza ema matenek atu diskute povu nia terus iha uma lulik povu nian.
Portavos Tane RDTL Bento Alberto Carlos hatoo asuntu ne’e liu husi komunikandu impresna kuarta (16/11/2022), relasiona ho diskusaun OJE 2023 ho deputadu sira iha uma fukun PN laiha seriedade, Movimentu Tane Republika Democratika Timor-Leste deklara osan povu nian la resolve nessesidade povu nian lori osan povu resolve interese ba grupo idamak bosu.
Relasiona ho asaun pasífiku ne’ebé organizasun husi AMN, kompostu Juventude no universitáriu sira objetivu atu asegura povu Timor-Leste nia osan husi grupu elite sira nia interese, tanba PN laiha pensamentu rasional hodi realiza komprimísiu nasional ba libertasaun povu, nune’e bele atinji objetivu estadu ne’ebé prevé iha konstituisaun RDTL artigo 6.
“Ho asaun pasífiku ne’e, Movimentu Tane RDTL haree katak reprezentante povu iha uma fukun PN laiha ona seriedade, tamba ita hatene PN hanesan orgaun Fiskalizador maibé to agora PN lahala’o fiskalizasaun ikus mai mosu problema iha Timor-leste,”dehan Bento.
Nia dehan Membru governu labele hanoin lei la vale ba sira hodi foti desisaun tuir nia kapasidade no husu governu nafatin dignifika fatin istóriku ne’ebé ba erói sira dedikasaun ba libertasaun da pátria.
“Prosesu edukasaun iha oitavu Governo grave teb-tebes, tamba Ministerio Educasaun Sr. Armindo Maia nomea fali funsionario kontratadu ba Kordenador no director da eskola, pior liu kontratadu sira mak halo avaliasaun dezempeñu ba Professor permanente ho level 5, PN rasik la hatene,”portavos Tane RDTL ne’e akresenta.
Hodi argumenta, povu suku Manelobas ne’ebé hanesan mate restu husi postu administrativu Maubisse, Munisípio Ainaro luta libertasaun da patria, durante ne’e halerik helaeletrisidade ho estrada.
“Deputadu sira lahalo fiskalizasaun maibé sira diskuti maka Pazero halo Povu Suco Manelobas lakon esperansa iha nia rain rasik, movimentu tane RDTL halo manisfestasaun tanba parlamentu Nasional aprova fali osan ba la iha benefisiu povu, Tan ne’e Movimentu Tane RDTL husu parlamentu Nasional, 1. Halakon Lei Pensaun Mensal Vitalisia, 2. Hapara tradisaun sosa kareta no leptop. 3. PN temke konsentra ba diskuti polítika dezenvovimentu nasional, laos koalia fali maka luta no terus tamba estadu rekoinese ona, Ha’u jerasaun luta nain kebutulan de’it Ha’u moris ikus maibé, ha’u iha vontade ba libertasaun povu, tanba luta ne’e mak husi ha’u nia vontade, ha’u iha vontade tanba responsabilidade hanesan sidadaun,”Hakotu Bento Alberto Carlos.
Jornalista : Arnaldo Nunes
Editor : Agapito de Deus
