LafaekNews–Embaixadór Switzerland Kurt Kunz, promete prontu ho disponibilidade tomak apoiu Timor Leste iha area ne’ebé importante ba nasaun no depende ba inisiativa sosiedade hodi hadia moris.
Ami disponivel atu apoiu sosiedade Timoriha area sira ne’ebé importante ba nasaun no depende ba inisiativa sira ne’ebé mai husi sosiedade sivil Timor-Leste ha’u sempre ko’alia katak ami prontu apoiu kualker projetu hodi hadia kondisaun moris ema nian ne’ebé tenke sustentavel ita labele implementa de’it projetu ida depois futuru laiha kontinuasaun no la fó benefísiu,’’ Embaixador Switzerland Kurt Kunz ba jornalista hafoin enkontru semanal ho PR José Ramos Horta iha Palásiu Prezidensiál Bairo-pite Aitarak-laran, kinta( 02/06/2022).
Embaixadór Switzerland hateten nia parte lakohi implementa projetu ne’ebé asina de’it iha sura tahan no tau iha gaveta, ida ne’e estraga de’it osan, Switzerland kontaktu iha ne’e no dala ruma liu husi vizita sosiédade sivil nian mai Timor Leste hodi diskute no hatene RoadMap.
Iha enkontru semanal ne’e embaixadór Switzerland Kurt Kunz mos hato’o Votus parabens ba ba Prezidente Repúblika José Ramos Horta vitória manán eleisaun prezidensiál no mós fó parabens ba povu Timor Leste ba eleisaun prezidensiál ne’ebé la’o ho hakmatek.
Jornalista : Rita Moniz
Editór : Agapito de Deus
