Lafaek News–Sekretariadu Tékniku Administrativu Eleitoral Munisípiu Lautém verifika iha buleten de votus 155 aat, deskofia kauza husi imprime tinta balu kona, balu nakles tanba bainhira transporta husi Dili ba Munisípiu Lautém.
Diretor STAE munisípiu Lautém Sergio Belmonte, informa ba jornalista sira iha nia servisu fatin STAE quinta feira ne’e katak loron 11 STAE desloka material sensitivu too iha Lautem, no loron tuir fali STAE halo verifikasaun ho akompañamentu CNE inklui fiskaís partidu polítiku sira hodi halo verefikasaun ba ita nia buleten votus hirak ne’e hare katak iha buleten votus 155 mak aat.
Rezultadu verifikasaun ne’e, ita detekta bulletin balu foer, tanba informasaun sira ne’e mak dala ruma tinta kona, balu nakles tanba impaktu husi transportasaun em pakotementu husi fatin ne’ebé mak produz ne’e, ita konsege detekta ona buleten votu 155 ne’ebé orasida sei la uza no oinsá fasilita ita nia eleitor sira ho buleten ne’ebé hodi ezerse sira nia direitu, ami mós komunika ho brigada sira oinsá fo atensaun hodi fasilita ita nia eleitores vota iha dia 19 ne’e,” katak Sergio Belmonte.
Diretur ne’e realsa tan husi buletin de votus 155 iha 21 buletin votus mak laiha númeru serial STAE gurada ona iha Munisípiu no sei prepara akta ida hodi hetan koinesimentu husi CNE atu tau hela iha munisípiu LAUTEM asegura hela buleten votus sira ne’ebé laiha númeru serial ne’e.
Entertantu, STAE munisípiu Lautém sei distribui material sensitivu no noun-sensiativu ba fatin votasaun iha sesta feira aban, maibé garantia mos eleisaun prezidensiál iha Lautém iha 19 sei la’o ho susesu.
Jornalista : CE.Lautem
Editor : Agapito de Deus
