Lafaek News—Prezidente Arte Marsial Ikatan Keluarga Silat Putera Timor Leste (IKS-PTL), Silvestre Xavier Sufa, deklara organizasaun IKS bandu uza atributu uniforme iha tempu kampania nia laran, nune’e labele fó impaktu ba organizasaun.
“Maske besik eleisaun parlamentár ona organizasaun IKS la inklina iha laran hanesan sidadaun ema ida idak iha direitu síviku depende ba sira ida idak, hanesan organizasaun iks bandu proebidu atu uza atributu uniforme iks nian iha kualkuer asaun politíka ruma, liu-liu mak iha tempu kampania nia laran, nune’e labele fó impaktu ba organizasaun,” hateten prezidente IKS-PTL, Silvestre Xavier Sufa hafoin partisipa iha sosializasaun Fundus Dezenvolvimentu Organizasaun Arte Marsiais iha Salaun SEJD Lecidere Segunda (30/01/2023).
Tuir Silvestre katak, bainhira membru IKS sira uza atributu no uniforme iha fatin públiku, PNTL iha direitu atu kaer, tanba lei bandu, uza atributu organizasaun iha fatin públiku, tanba lei númeru 5 preve katak labele uza uniforme iha fatin públiku kuandu laos loron atividade organizasaun nian.
“Antes tama kamapania IKS sei halo avizu liu husi media, nune’e halo estabilidade iha kamapania nia laran, hases an husi risku sira ne’ebé mak afeta iha organizasaun tempu kampania nia laran,” Silvestre sublina.
Sufa haktuir, tinan 2023 ida ne’e IKS iha mudansa komitmentu, paradigma, inovasaun fó disiplina ba membru hotu tanba prinsipiu membru hotu labele tama organizasaun lori organizasaun tuir nia hakarak, labele tuir ema nian, lakohi tuir organizasaun nia hakarak bele sai, la problema, atu hetan kualidade labele buka ema, maibé buka disiplina.
“Buat hotu-hotu ita lao tuir derativa nasionál iks ha’u nia atinji ona 85% lao tiha ona formasaun iha munisípiu sira seluk lao tiha ona, 25% mak seida’uk, signifika katak iks preparadu tiha ona, reativa ona, atividade komesa lao”.
Prezidente IKS-PTL ne’e dehan membru GAM ne’e tuir resensiamentu ne’ebé hala’o ona rejista hamutuk rihun 25 mak iha Timor Leste.
Jornalista : Rita Moniz
Editór : Agapito de Deus
