Lafaek News–Ministru Asuntus Parlamentares no Komunikasaun Sosial (MAPKomS), Fransisco Martins da Costa Pereira Jerónimo informa, selesaun dokuemtus ba jornalista Liña Frente foin atinji pursentu 70 tanba iha jornalista balun dupla konta bankaria ho naran husi instituisaun média.
Ha’u informa fila fali ba Primeiru Ministru kona-ba ita boot sira nia frontline ne’ebé maka iha difikuldade uitoan, la’ós atu trava lae, dikuldade entermus de administrativu tanba balu lista prezensa la iha, balu dokumentu bankaria lalos, balun iha bankaria rua, ami deteta sira ne’e hotu”, dehan (MAPKomS), Francisco Jerónimo hafoin hasoru malu ho PM Taur iha Rezidénsia Farol Dili, segunda (28/02/2022).
Governante ne’e akresenta, foin lalais ne’e sira haruka ona ba Finansas, maibé finansas haruka identifika fali, tanba naran ne’e barak, detekta balun iha naran daruak (double), ne’eduni tenke kuidadu no halo selesaun di’ak.
Ami hanoin iha semana kotuk ne’e, pursentu 70 remata ona, ha’u hanoin ohin ba oin ne’e hotu para atu bele semana ne’e remata, semana oin ami tenke haruka ona ba finansas,” hakotu Fransisco Jerónimo.
Jornalista : Juvita dos Santos
Editor : Agapito de Deus
