Lafaek News—Sekretariu Estadu Kooperativa (SEKoop), tersa (07/10/2025), asina nota entendimentu ho Universidade Oriental Timor Loro sa’e (UNITAL) hodi hala’o peskiza kona-ba produtu Bafo Kayrala nudar programa dahuluk ba dezenvolve iha rai-laran.
Iha serimonia asina nota entendimentu ne’e, Arsenio Pereira esklarese katak funsaun nota entendimentu entre parte rua ne’e atu halo peskiza kona-ba produtu Bafo Kayrala ne’ebe sai hanesan programa prima ida, ne’ebe atu dezenvolve ninia definitivu no finalidade atu sai community no propoin mos materias primas ba industrial hodi transforma ba hahan oi-oin hodi fornese ba komsumidores sira no ba polulasaun liuliu kontribui ba rograma merendah pre-eskolar.
Governante ne’e reafirma nota entendimentu ne’ebe parte rua asina hola parte atu dezenvolve diak liu tán setor agrikultura ba future, nune’e ema hotu bele moris hakmatek .
“Ha’u mos agradese tebes ba parte rua tanba bele realiza seremonia asinatura ne’ebé parte rua asina ona lei bele kesi ba atividade sira ne’e bele inplementa iha tempu tuir mai, Ha’u mos agradese tebes, tanba iha parte akadémiku hanesan mos Timor oan oinsá, ita atu servisu hamutuk atu nune’e buat sira ne’ebé iha ita bele dezenolve diak liu, tanba ida ne’e bele mos iha pas-parte ida iha akadémiku, governu sosiedade sivil no mos agrikultur sira, finalidade ita hakarak dezenvolve rai ne’e diak no ema hotu bele moris diak,” Arsenio argumenta.
Entretantu magnífiku Reitor Universidade Timor Lorosae (UNITAL) Claudino Ninas Nabais, hateten nia parte apresia ho SEKoop ne’ebé tau ona konfiansa ba instituisaun akadémiku atu bele kontribui ideia ba peskija Bafo Kayrala hodi hamosu buat foun ruma hodi reforsa programa SEKoop nian.
“Ami hetan previléjiu husi Sekretariu Estadu Kooperativa ne’ebé hili UNITAL sai hanesan ninia parseiru UNITAL foin Primera vez governu hakarak halo kooperasaun ho ami fo fiar ida mai ami hanesan instituisaun akadémiku ida au-mesmu tempu hanesan Timor oan atu bele kontribui ideias balun husi prespetiva akadémiku ninian liliu ba iha peskiza atu hamosu buat foun ruma hodi reforsa programa SEKoop,” Reitor UNITAL sublina.
Jornalista : Ana Maria da Silva/Moises Guterres
