Lafaek News—Sekretariu Estadu Juventude no Desportu (SEJD) sorumutu ho liña ministeriais hodi rona aprezentasaun prefil husi organizasaun Artemarsiais tolu Persaudaraan Setia Hati Terate PSHT, Ikataan Kerasakti lKS no Kmanek Oan Raiklaran KORK.
Tuir Sekretariu Estadu Joventude no Desportu (SEJD) Abrão Saldanha, hateten sorumutu ne’e ko’alia kona-bá organizasaun artemarsiais no sira mós aprezentasaun husi organizasaun tolu hanesan (PSHT, IKS, no KORK).
“Organizasaun artemarsiais mai aprezenta sira nia prefil iha SEJD maka PSHT, IKS no KORK katak sira organiza sira nian no sira kaer prinsípiu valor saida, sira nia doutrina oinsa atu treinu, no sira nia rekruta oinsa, ida nemaka ita rona husi sira para nune’e bele ajuda ba prosesu elaborasaun ne’ebé lezislasaun sira presija,” dehan Sekretáriu Estadu Joventude no Desportu Abrão Saldanha ba Jornalista sira iha SEJD (8/10/2021).
Nune’e mós nia dehan, iha sorumutuk entre liña ministeriais ne’e atu servisu hamutuk ho organizasaun tolu Persaudaraan Setia Hati Terate PSHT, Ikataan Kerasakti lKS no Kmanek Oan Raiklaran KORK atu diskute no aprezenta no balun priense dadauk ona no bele servisu hamutuk iha rai laran.
“Iha rua PSHT priense ona hein de’it halo rekomenda maibé sei presija koalia fali ho sira atu halo planu reativasaun i no mós KORK hatama tia ona dokumentus agora sei prosesu avaliasaun se buat hotu-hotu diak sei no priense hotu ona ita bele rekomenda depois IKS sei hela pontu ida no rua ne’ebé sira esforsu aan hela atu bele halo kompleta,” nia imfórma.
Iha fatin hanesan, prezidente ikataan kerasakti IKS Silvestre Xavier Sufa, reuniaun ho Sekretáriu Estadu Juventude no Desportu no liña ministeriais halo aprezentasaun prefil organizasaun Artemarsiais nian.
“Ami reuniaun ida ne’e tanba fó opiniaun no fó sai mós aprezentasaun kada artemasais hanesan IKS halo aprezentasaun ba entre lina Ministeriáis sira atu nune’e sira bele hantene parte ne’ebé presija aumenta no hamenus,” Presidenti IKS tenik.
Presidenti Ikataan Krasakti dehan, Organizasaun Artemarsiais tolu ne’e sai hanesan materia ida ba organizasaun Artemarsiais hotu-hotu tanba bele halo lei organizasaun arte marsais foun hodi fó nesesidade ba Organizasaun Artemarsais hotu bele utiliza tuir regulamentu husi instituitu artemarsais nian.
“Tanba ne’e ema ida atu tama arte marsais nia tenke hetan aseita husi familia inan aman hodi fó autorizasaun mak tuir, maibé nia mós tenki komprende desizaun organizasaun husi instituitu artemarsiais nian tanba dalaruma nia la kumpri ida ne’e maka hanesan tuir de’it ikus mai nia sai ba liur halo problema tuir ninia hakarak” Nia Infórma.
Enkuantu nia imfórma, organizasaun Artemarsais hotu tenke tuir sistema regulamentu husi organizasaun Artemarsiais nian atu nune’e bele menimiza problema no tuir Lei no sistema organizasaun artemarsiais husi PSHT, IKS no KORK ne’ebé Vigor ona iha Timor-Leste tanba rekejistus sira ne’e rejistu no priense hotu ona ba komisaun reguladora artemarsiais nian hein de’it sira lori ba Ministériu Justisa hodi rejistu material artemarsais.
Entretantu iha sorumutk ne’e partisiapa maximu husi sekretariu estadu joventude no desportu (SEJD), liña Ministeriál, Ministériu Públiku, Polisia Sientifiku Investigasaun Kriminal (PSIK), Konsellu Polisiamentu Komunitariu (KPK), Persaudaraan Setia Terate (PSHT), Ikataan Krasakti (IKS), no Kmanek Oan Raiklaran (KORK) no mós sira seluk tan.
Jornalista : Joni Mau Risa.
Asisten Editór : Pedro de Almeida
