Lafaek News—Sentru Ba Haburas Movimentu Direitus Humanus (SBHMDU), husu Parlamentu Nasional tenke kansela sosa kareta pradu unidade 56 atu osan bele aloka fali ba hadia edukasaun ho saúde.

  João Casemiro nudar portavos ba SBHMDU hateten, kareta ne’ebe deputado sira uza kondisaun sei di’ak, alende  Timor Leste infrenta hela problema edukasaun, saúde no seluk tan, tan ne’e la nesesáriu atu Parlamentu Nasional sosa tan kareta foun.

“Ami husu ba PN sensibilidade atu bele kansela kareta unidade 65 ne’ebe  ba deputada sira, tan ami hanoin katak kareta ne’e kondisaun sei di’ak hela, tan ne’e laiha nesesáriu ba PN atu hola tan kareta foun, saida ami dehan laiha nesesáriu ita setor estratéjiku ita nia edukasaun too horas ne’e ita sei problema nafatin, Ita laiha biblioteka, ita laiha fasilidase sira, ita laiha edifisiu ba professor, ita nia ukun tinan 25 ona no ita sei problema ida ne’e, ita nia setor saúde postu saúde Sira ne’ebé iha suku sira horas hanesan ne’e sei problema, laiha fasilidade ne’ebe ajuda saúde iha suku sira atu doutor sira bele halo atendimentu ba komunidade sira,” Ezijensia ne’e hato husi portavoz SBHMDU João Casemiro hatoo hosi konferensia imprensa iha Palapasu, Kinta 04/09/2025/.

João Casemiro rekomenda imediatamente ba PN atu anula desizaun SBHMDU nian hodi hatama fila-fali orsamento sira 4.2 milloens ba kofre estado nune’e bele resolve setor estratéjiku sira ne’ebé durante ne’e hasoru problema no hadia povu nia moris.

“Ami husu ba parlementu nasional imediatamente atu anula Sira nia desizaun orsamentu sira no 4.2 milloens ne’e tau fali ba kofer estatu para orsamentu Sira ne’e be’ele realoka fali fali ba setor estrateziku Sira para be’ele investe ba setor importante sira ne’e para hodi kondisaun povu ninian. ”

Desizaun ne’e mosu tanba Sentru Ba Haburas Movimentu Direitus Umanus hanesan movimentu akadémiku ne’ebe ‘hamriik hanesan organizasaun sosial independente, iha misaun hodi halo kontrolu sosial ba polítika injustu no promove direitu umanus iha Timor-Leste, inklui mós iha responsabilidade hodi luta ba defende dezenvolvimentu no distribuisaun justisa sosial ne’ebe igualitáriu tuir vizaun estadu nian mak libertasaun povu maubere.

 Jornalista:  Moises Guterres/Trifónio M.de araujo