Lafaek News—Bibi-rusa iha Parke Nasional Nino Koni Santana iha area protezida illa Jaco postu administrativu Tutuala Munisípiu Lautém komesa mate tolu, tanba laiha bee mos hodi sustenta balada protezidu iha illa Jaco.
Deklarasaun Xefe Departamentu Floresta Munisípiu Lautém, Raimundo da Cruz, katak nia rasik simu informasaun ba akontesimentu ne’e husi guarda florestal parké nasionál Nino Koni Santana, informa Bibi-Rusa hamutuk tolu mak mate iha illa Jaco kauza husi bee laiha.
“Ha’u koordena ona ba nasionál atu haree problema be mós iha illa Jaco, sira mai iha loron besik ami tula kedas bee ba Rusa sira iha illa ne’ebá, atu tula mos presiza hasai kustu ruma hodi nune’e bele selu kareta tula bee no selu mos ró hafoin transporta bee ba illa Jaco, kada tanke bee litru rihun lima, selu ba kompaña $100, maibé dala ruma mós ami kontaktu ba bomberus atu tula bee ba tau iha illa Jaco,” katak Xefe Departamentu Floresta munisípiu Lautém ne’e ba lafaek news foin lalais.
Nia fundamenta, iha tinan 2022 ne’e total bibi-rua tolu mak mate, iha illa Jaco kompaña instala ona fasilidades kompleta atu akumula bee ba balada fuik sira iha area protezidu ne’e, maibé problema bee mak laiha atu fo hemu bibi rua.
Infomasaun ne’ebé Lafaek News asesu, katak governu iha ona dezeñu BoQ atu dada bee no halo jestaun di’ak ba iha illa Jaco no Pantai-Valu, estarda di’ak ona husi postu Tutuala liga ba area refere, maibé illa Jaco kontinua krize bee mos hodi proteze animal hirak ne’e.
Entertantu lafaek news tenta konfirma Autoridade Munisípiu Lautém hodi fo komentáriu ba asuntu bee mos iha illa Jaco atu fornese ba Bibi-Rusa labele mate, maibé administradór munisípiu Lautém ho nia sekretariu sei okupadu hela ho servisu.
iha Tinan 2021 bibi rusa sanolu maka komunidade hetan nian isin mate no tinan 2022 agora sei iha fulan Setembru maibe Bibi rusa tolu mak hahu mate fali ona iha ill jaco, iha illa jaco nia laran iha animais seluk mak hanesan Meda, Likrauk, manu Klamr ho lian fataluku humaara acahoto inklui samemea samodok no alinaml sira seluk iha illa jaco nia leten
Jornalista : CE. Lautém
Editor : Agapito de Deus
