Lafaek news (Lautem–Administrador Munisipiu Lautem, Domingos Savio, hateten professor sira obrigatoriumente tenke tuir vasina se la vasina sei hapara husi eskola.
Savio hatoo asuntu ne’e, hafoin lansa reuniaun extra-ordinariu iha salaun munisipal, tersa (20/07/2021), katak professore sira ne’ebe halo funsaun manorin iha Lautem lakohi simu vasina sei hapara imediatu husi nia funsaun professor, tanba governu liu husi MEJD planeia ona atu reativa eskola hotu iha munisipiu Lautem.
“Profesór nu’udar funsionariu públiku, sira mak hakbesikan ba labrik sira entaun husu atu tuir vasina hotu se sira lakohi vasina ha’u haruka sira hapara hanorin,” katak administrador munisipiu Lautem ne’e.
hodi dehan, professor ne’ebe simu ona vasina mak bele kontinua hanorin, tanba servisu mak simu osan la servisu sei la hetan salariu,
“Sira ne’ebé tuir vasina kontinua hanorin no kundu sira para ona sira hatene ona katak nia servisu mak simu osan la servisu sei la simu osan, se nia lakohi vaksin nia tenke justifika tanba saida mak nia lakohi vasina, se lakohi sem justifikasaun maka ha’u haruka hapara,” nia dehan.
observasaun lafaek news iha munisipiu Lautem, eskola kontinua lao tuir desizaun ekipa task force munisípiu Lautém, estudante sira ne’ebé pozitivu kontinua izola an no sira ne’ebé livre husi covid-19 kontinua tuir eskola hanesan bai-bain.
Jornalista : CE.Lautem
Editor : Agapito de Deus
