Lafaek News—Prezidente Repúblika José Ramos Horta ho membru oitavu governu lubuk ida sei halo viajen ba nasaun Qatar ho Azerbaijan iha loron 3 to’o loron 14 fulan Marsu tinan 2023 hodi partisipa iha konferénsia.
“Viajen ba nasaun Qatar la’ós ha’u ba mesak, ha’u ho membru governu lubuk ida, MNEK, Ministeriu Finansas, tanba simeira ne’e Xefe Estadu mós ministeriál ba rai sira Timor halo parte ne’e, ba nasaun Azerbaijan rai ida riku tebe-tebes ne’e hanesan ba vizita semi ofisiál tanba ba konferénsia ida kona-ba polítika internasionál, seguransa mundiál,” deklara Prezidente Repúblika José Ramos Horta ba jornalista sira hafoin remata partisipa iha programa “Simposium Nasionál Hametin Demokrasia, Páz no Estabilidade iha Konstrusaun Estadu”, iha Salaun CNE Laline Larigutu, Tersa (28/02/2023).
Tuir Xefe, sei hasoru mós sira nia Prezidente Repúblika, maibé la’ós vizita ofisiál rai Azerbaijan ne’e riku boot loos.
Enkuantu, antes ne’e iha loron 28 fulan Fevereiru Parlamentu Nasionál aprova ona vizita Prezidente Repúblika, Jose Ramos-Horta ba Qatar no azerbaijan husi loron 3 to’o 14 fulan Marsu tinan 2023.
Jornalista : Rita Moniz
Editór : Agapito de Deus
