Lafaek News- Provedoria dos Direitus Humanos no justisa (PDHJ) husu Ministériu Interior atu anula total rekrutamentu kadetes foun 2025/2026/ no Konsellu Ministru deside hapara provizoriu rekrutamentu.
Provedoria Direitus Humanu no Justisa, Virgílio Da Silva Guterres relata, haree husi faktus katak mosu diskriminasaun boot iha rekrutamentu kadetes foun, ho razaun ne’e mak PDHJ hato’o ona karta ba Ministériu Interior ho nia konteudu anula prosesu rekrutamenta ba Polisia Nasional Timor-Leste (PNTL) foun nune’e hein prosesu investigasaun.
“Husi averiguasaun ba faktus ne’ebé ke iha ba rekrutamentus sira ne’ebé ke iha provedor ohin haruka ona karta rua ida ba Ministeriu Interior dirije ba Ministeriu Interior ne’ebé ke nia konteudu ne’e husu rekomenda ba Ministeriu Imterior atu suspende ka anula prosesu rekrutamentu ne’e hodi hein prosesu investigasaun ga ou husu atu re-avalia atu nune’e atu redus preokupasaun publiku liu-liu ba kandidatus sira ne’ebé ke agora manifesta hela sira nia preokupasaun,”PDHJ Virgilio da Silva Guterres liu husi konferénsia imprensa iha salaun ekcelsior resort Bebonuk Segunda 09/02/2026/.
Provedor ne’e akresenta, PDHJ mos hato’o karta ba Presidente Parlamentu Nasional (PPN), atu husu komisaun inkéritu Parlamentar ida hodi halo investigasaun klean ba prosesu rekrutamentu nee.
“Parlamentu Nasional iha kompetensia atu hlo investigasaun tanba lista ne’ebé publika iha media ho numeru 400 ne’e maioria komisaun juri no komandante sira nia oan,
“Karta ida ami dirije ba Presidente Parlamentu no husu atu parlamentu bele estabelese komisaun inkeritu hodi halo investigasaun tanba parlamentu bele uja nia kompetensia atu halo inkeritu parlamentar hodi abrigua, tanba dadus sira ne’ebé ke ami hetan buat ne’ebé ke ita hare hetan ne’e mak ne’e” nia informa.
Entretantu lista ne’ebé fo sai ba kandidatu kadetes PNTL foun admitidu hodi pasa ba teste mediku maioria Polisia Nasional Timor-Leste (PNTL) nia oan no Komandante balun ne’ebé iha komisaun juri nia oan mak pasa ba teste mediku.
“Iha lista ne’ebé sai ssira hirak ne’ebé aprovadu atu ba tuir ne’e maioria Polisia nia oan liu-liu komandante ne’ebé ke tur iha komisaun juri i mos komandante balun komandante jeral komandante munisipiu sira ne’e sira nia oan nakonu iha ne’eba entaun faktus sira ne’e hamosu deskonfiansa tiha ona” hakotu Lia.
Jornalista : Moises Guterres
