Lafaek News – Programa Nasoes Unidas ba Dezenvolvimentu (PNUD) ho suporta finansial husi Governu Japaun, Entrega Ekipamentus Protesaun Pesoal(EPP) ba Secretariado Técnico de Administração Eleitoral (STAE) liu rihun atus ualu (800,000) ba prevensaun COVID-19 iha Eleisaun Prezidensial ba segundu ronde.
Representante UNDP Munkhtuya Altangerel hateten, sira nia apoiu ne’ebé maka iha nunka hotu husi Projeitu CORE-TL hodi realiza eleisaun prezidensial reziliente ba COVID iha nasaun ne’e tanba durante eventu ne’e, atende husi representativu Embaixada Japaun, UNDP, no STAE.
Pandemia COVID 19 kontinua espalla iha globalmente, inklui iha Timor-Leste tan ne’e UNDP ho apoiu finansial husi governu Japaun, kontinua kontribui hodi garantia protesaun saude ba sidadaun sira nian hodi garante ezersisiu direitu de votu ba iha segundu volta iha eleisaun prezidensial,”Dehan Reprezentante UNDP Munkhtuya Ba Jornalista iha Salaun STAE Kaikoli, kinta(14/04/2022).
Iha fatin hanesan Diretor Geral STAE Acilino Branco argumenta, liu husi tens esensial sira ne’e fornese husi PNUD no Governo Japaun, sei hasa’e konfiansa públiku hodi partisipa iha eleisaun.
Atividade ohin ne’e ita simu materiál Covid nian husi PNUD tanba iha tinan ne’e ita organiza eleisaun iha situasaun pandemia covid-19 nian ne’ebé mak iha regulamentu preve mós oinsa prossesu votasaun liu-liu iha sentru no estasaun votasaun nian ne’e presiza mos atu kumpri nafatin protokolu OMS nian atu sidadaun eleitor sira ezerse sira nia direitu de votu ne’e bele nafatin garantia sira nia seguransa saude,” Dehan Diretor STAE.
Nunee UNDP nia projetu CORE-TL estabelese ho apoiu finanseiru husi Governu Japaun $4 milhões no kontribuisaun finansial husi governu Timor-Leste no UNDP ho osan montante $360,000. Liu husi servisu parseria ho governo Japaun, Governu Timor-Leste, CNE no STAE, projetu CORE-TL esforsu ba COVID-reziliente, informadas i inklusivas iha Timor-Leste.
Aleinde ne’e, embaixada Japaun iha TL Kazumi Yamada haktuir, Timor-Leste iha ai-rin ne’ebé fortalese demokrasia ne’ebé metin tan ne’e povu japaun espera katak ho apoiu hirak ne’e bele hametin liu tan sistema demokrasia iha situasaun ne’e.
Iha tempu pandemia ne’e ami hakarak ho intensaun katak ita bele hala’o eleisaun ho informados tanba ita hatene katak Timor-Leste preseasaun demokrasia iha sudeste Asiatiku ami hanoin katak importante ami nia governu de povu atu asiste nafatin nasaun ida ne’e hodi hakat ba oin mantein espresesaun demokrasia ida ne’ebe mak diak,” katak Embaixada Japaun.
Enkuntu akizisaun ba segundu ronde eleisaun prezidensial material Protesaun COVID- 19, mak hanesan 16.000 kaixa husi maskara totalmente rihun walu 800,000 pesas, 60 Masa desinfekta, 6,000 bottles sanitizer, 30 makina pompa, 660 pares husi Protesaun ekipamentus Personal Protection Equipment (PEE) no 1,600 thermo scanners.
Jornalista : Juvita dos Santos
Editor : Agapito de Deus
