Lafaek News–Primeiru Ministru oitavu governu, Jenerál Taur Matan Ruak, kongratula Prezidente eleitu periodu 2022-2027, José Ramos Horta ne’ebé povu destaka konfiansa dala ida tan hodi servisu povu ho nasaun ba oin.
Xefe governu ne’e informa, preparativu serimonia ofisial posse ba Prezidente Repúblika eleitu, José Ramos Horta la’o namanas realiza ne’eb organiza husi Ministériu Estatal ( MAE) iha Tasi-Tolu no hein katak buat hotu la’o ho susesu.
Preparasaun ba Prezidente Repúblika eleitu ba períodu 2022-2027, la’o hela ministériu estatál mak halo iha Tasi-Tolu espera preparativu ne’e sei la’o ho di’ak, too loron sei akontese, governu halo esforsu hela”, dehan Primeiru Ministru general Taur Matan Ruak hafoin remata enkontru semanal ho Prezidente Repúblika, Francisco Guterres Lú Olo iha Palasíu Presidensiál Bairu-Pite, kinta (22/04/2022).
Jenerál Taur katak, durante kampaña prezidente eleitu ho Parlamentu nasional iha lingaujen retórika ladun di’ak, maibé kampaña hotu, hotu ona, agora ne’e ko’alia kona-ba estadu, tan ne’e preparativu governu nian kona-ba fo posse ne’e lao di’ak laiha alterasoens, babain, tinan 5 Presidente eleitu, eleitu ona governu tenki halo preparativu hodi halo tomada de posse.
Kona ba toma de posse ne’e se se mak atu partisipa dadaun ne’e seida’uk hatene, seida’uk haree lista, ida ne’ebé mak konvidadu,ita hein haree se mak bele partsispa no agora ita infrenta hela pandemia global Covid-19, pais balun loke ona no balun mos seida’uk”, dehan PM Taur ba jornalista sira.
Iha biban ne’e, Primeiru Ministru oitavu governu viabilizador Fretilin, Jeneral Taur Matan Ruak, kongratula kandidatu eleitu Presidente Repúblika períodu 2022-2027 José Ramos Horta.
Iha enkontru semanal ne’e Primeiru Ministru Jenerál Taur Matan Ruak, ho xefe estadu Francisco Guterres Lú Olo toka asuntu kona-ba, previniza ba populasaun tomak kontribui ba kampaña Elpres, no partisipasaun segundu volta ne’ebé lao di’ak, no preparativu ba tomada de posse Presidente Repúblika períodu 2022-2027, no seguransa iha rai laran.
Jornalista : Rita Moniz
Editór : Agapito de Deus
