Lafaek News–Primeiru Ministru (PM) Taur Matan Ruak liu husi nia intervensaun ligadu ho estensaun estadu emerjensia ba dala ualu, husu parlamentu nasional autoriza hodi halo prevensaun ba surtu Covid-19.
“Iha ita nia rai Timor Leste, esforsu ita hotu nian konsege inldentifika kazu infetadu hotu-hotu mai husi rai liur, hala’o izolamentu terapiítiku ba infetadu hotu iha fatin seguru, evita lastramente iha komunidade nia leet no halakon virus ne’e rasik iha ita nia rai,”Intervensaun PM Taur Matan Ruak, iha parlamentu nasional, kinta, (03/12/2020).
Ruak dehan, virus ne’e seidauk lakon governu presiza asegura nafatin mekanizmu vizilánsia epidemolójika hodi prevene no hamenus fleksibilidade importasaun virus ne’e ba rai Timor Leste.
“Ba protesaun saúde publika governu mai dala ida tan atu husu parlamentu nasional autorizasaun ba estensaun estadu emerjensia ba dala Ualu nian, hodi taka ita nia fornteira no entrada hotu ne’ebé mai inpoin karantina obrigatoriu izola sira ne’ebé moras,” tenik PM.
Enkuantu medidas sira seluk maka distansiamentu sosial, uza maskra, ijene pessoal ka fase liman, multa ba sira ne’ebé tama sai iha ita nia rai.
“Medidas sira ne’e hotu só implementa ho diak, se ita limete direitu ema nian balun ne’ebé sikulasaun internasional, liberdade sirkulasaun rezilensia, diretu ativu no pasiva ba orden ne’ebé autoridade públiku sira fó sai. Ida ne’e se ita konsege renova estadu emerjensia, tanba ne’e governu husu autorizasaun parlamentu nasionál nian, ba estensaun estadu emerjensia ba dala ualu,” dehan Ruak.
Enkuantu sesaun votasaun iha uma fukun parlamentu nasional autoriza ona estensaun estadu emerjensia da-ulau ho votos afavor 46, Abstensaun 3, Auzente 16, Kontra 0, nune’e estensaun estadu emerjensia passa.
Jornalista : Pedro de Almeida
Editora : Nelya Barros
