Lafaek News–Tékniku profesional Sentru Saúde Maukatar (SSM) munisípiu Kovalima,  kompostu husi postu Saúde Ogues, Matai no Has-Ain lamenta no konsidera la justu ho pagamentu ba suplementu remuneratoriu Covid-19 husi oitavu governu.

Liu husi konferénsia imprensa, sesta ohin hateten semana ne’e, Portavoz Zeferina de Jesus nune’e konsidera Ministeriu Saúde hamosu diskriminasaun ba tékniku professional sira iha Sentru Saude Maukatar (SSM tanba simu osan la tuir kriteria ne’ebé dekreta ona iha dekretu lei governu mak hetan alterasaun husi Konsellu Ministru kona-ba kria suplementu remuneratoriu.

Pagamentu ba suplementu remuneratoriu ba pesoal Liña frente sira ne’e bazia ba Numeru 17/2020, 30 de Agostu ne’ebé halo segundu alterasaun husi Konsellu Ministru no aprova hodi deklara katak “ O Conselho de Ministros aprovou a segunda alteração ao Decreto-Lei n.o 17/2020, de 30 de abril, que cria um suplemento remuneratório para os funcionários, agentes e trabalhadores da administração pública que prestem a respetiva atividade profissional nos serviços de prevenção ou controlo da COVID-19, ou em condições de direta exposição ao vírus SARS-CoV-2.

Tanba ne’e, tekniku professional sira husi Sentru Saude Maukatar, Zeferina de Jesus katak, MS hamosu diskriminasaun ba pesoal saúde sira iha SSM, tanba durante situasaun Covid-19 nia laran ezerse ona sira nia dever, maibe la justu ba sira  wainhira hetan pagamentu suplementu remuneratoriu Liña frenti, tanba pessoal limpeza no pessoal seguransa hetan pagamentu remuneratoriu ho valor bo’ot liu kompara ho Tekniku Professional Saude ne’ebé involve direita iha programa de Vasinasaun kontra COVID-19. 

Atu dehan deit katak, ami sente mosu Diskriminasaun mai ami Tekniku Professional Saude iha PS Ogues, PS Matai e PS Has Ain tanba hare husi pagamentu ne’ebé ami simu bele dehan deit katak Valor pagamentu ba pessoal limpeza no pessoal seguransa nian bo’ot liu fali ami Tekniku Professional Saude.”  Porta Voz Zeferina de Jesus dehan sai preokupasaun ne’e liu husi Konfrensia Imprensa iha Postu Saúde Ogues, Sesta (22/07/2022)

Bazeia ba dekretu lei Governu Numeru 17/2020, 30 Augostu ne’ebe halo segundu alterasaun husi Konsellu Ministru no aprova hodi deklara Segunda alterasaun Dekretu Lei n.o 17/2020, de 30 de Abril katak Governu prepara remuneratoriu ou subsidi ba Servisu liña frenti sira inklui mos pessoal saude ho valor do suplementu remuneratoriu tuir kategoria ne’ebé estabelese hodi mesiona, ba pessoal servisu administrasaun sei hetan $15 kada loron, Tekniku Professional Saude (Medico, Emfermeiru/a, Parteira, Tekniku Aliadu) sei hetan $20 kada loron, tan ne’e Tekniku Profesional Saude sira iha Sentru Saude Maukatar Konsidera Ministeriu Saude (MS) hamosu deskriminasuan ba sira wainhira halo pagamentu suplementu remuneratoriu Covid-19.

Maibe pagamentu sira ne’e ami husi Tekniku Professional Saude iha Postu Saude (PS) Ogues, PS Matai no PS Has Ain hetan la tuir Kategoria Mensiona iha dekretu lei iha leten. Ho nune’e ami Tekniku Professional Saude kompostu husi PS Ogues, PS Matai no PS Has Ain senti Ministerio Saude (MS) la valoriza ami nia servisu no diskrimina ona ami nia direitu ba servisu ne’ebé ami presta ona iha situasaun perigu nia laran” tenik porta voz Zeferina de Jesus.

Liu husi Konfrensia Imprensa ne’e Tekniku Profesional Saude sira iha sentru Saude Maukatar kontesta no ejiji direitu ne’ebé mensiona ona iha dekretu lei Governu Numeru 17/2020, 30 Augostu ne’ebe halo segundu alterasaun husi Konsellu Ministru no aprova hodi deklara Segunda alterasaun Dekretu Lei n.o 17/2020, de 30 de Abril, pesoal saude sira iha Sentru Saude Maukatar ezerse ona dever maibe iha prosesu pagamentu ba suplementu remuneratoriu Ministeriu Saude halo diskriminasaun ba Pesoal lina frenti sira iha Postu Saude (PS) 3, PS Matai, Ogues no Has Ain, ne’ebé partense ba Sentru Saude Maukatar. 

Pessoal limpeza no pessoal seguransa hetan pagamentu ho valor $ 2, 900, maibe ami Tekniku Professional Saude hetan fali valor pagamentu ki’ik liu pessoal limpeza no pessoal seguransa” Zeferina de Jesus klarifika.

Enkuantu tuir tabele deskrisaun pagmentu suplementu remuneratoriu ba pesoal saude liña frenti durante situasaun Covid-19 iha Sentru Saude Maukatar mak, Pagamentu ba Enfermeira hetan $3700 maibe realidade bele hetan deit $960, Pagamentu ba Parteira hetan $3600. maibé realidade bele hetan de’it $600, Pagamentu ba Farmacista hetan $3800, maibé realidade bele hetan de’it $1000, pagamentu ba enfermeira hetan $3700, maibé realidade bele hetan de’it $960, médiku jerál hetan de’it $800

Ho nune’e tékniku professional saúde iha postu saúde Ogues, Matai no Has-Ain husu ba Ministériu saúde atu toma atensaun ba situsaun ne’e, no husu ba Ministerio Saude atu trata direitu no justu sein diskriminasaun. 

Entretantu antes ne’e ministériu saúde fo orientasaun servisu saude hotu iha teritoriu nasional ikului ba pessoal saude ka funsionarios sentru saude komunitaria Maukatar hamutuk funsionariu na’in 32 hodi hari ekipa atu hodi  ezekuta planu vasinasaun hodi salva no prevene sidadaun hotu atu labele hetan da’et moras Covid 19.

Hatan ba ezizensia no planu Ministériu Saúde mak iha Sentru Saude Komunitaria Maukatar (SSM) hamutuk funsionárius na’in 32, forma ekipa servisu no hahu hala’o servisu vasinasaun tama sai Aldeia, husi uma ba uma hodi halo vasinasaun ba Komunidade sira area juriduku Postu Administrativu Maukatar laran tomak to’o atinjementu ba pursentazem Kobertura vasinasaun 100% ou numeru primeiro iha munisipiu Kovalima populsaun simu vasinasaun. 

Reportazen   : Chamot Nahak (RCCT) 

Editor            : Agapito de Deus