POLÍTIKA · 22 Apr 2024 00:08 ·

Naimori : KHUNTO sei la husik FRETILIN ho PLP Mesak


Naimori : KHUNTO sei la husik FRETILIN ho PLP Mesak Perbesar

Lafaek News—Lider supremu Partidu Kmanek Haburas Unidade Nasional Timor-Oan (KHUNTO), José dos Santos Naimori Bucar deklara sei la husik hela Partidu Libertasaun Popular (PLP) no Partidu Frente Revolusionáriu Independente Timor Leste (FRETILIN).

Naimori hatoo asuntu ne’e iha kongresu nasional partidu KHUNTO iha domingu 21/04/2024, hodi dehan PLP ho Fretilin nudar partidu polítika ne’ebé belun di’ak ho KHUNTO nune’e sei la husik malu too iha ne’ebé ho vizaun no misaun ida de’it hodi realiza mehi partidu tolu ne’e nian ho rejultadu di’ak ba povu no rai ida ne’e iha future.

 “Kualidade polítika ida ne’ebé mak ita iha durante oitavu governu, ne’ebé lídera husi husi ita nia maun boot Taur Matan Ruak, ne’ebé fo apoiu tomak husi, husi Partidu FRETILIN hodi asegura oitavu governu metin no susesu, ne’e la fasil, ne’e ema fuan boot ema ne’ebé iha sentidu ba estadu  hanoin boot ba rai ne’e, no hadomi povu ida ne’e, ita nia maun Maria Alkatiri no Taur Matan Ruak, ema ne’ebé ko’alia atu halo duni ida ko’alia ne’e, la’ós ida ko’alia tiha halo fali buat seluk, ne’e laiha sira nain rua la akontese ida ne’e buat hanesan ne’e, ita tenke buka líder ne’ebé ko’alia mas halo asaun labele lider ne’ebé ko’alia husik tiha halo fali buat seluk,” nia afirma

Lider Supremu ne’e mós akresenta Partidu tolu FRETILIN PLP no KHUNTO respeita nafatin Partidu CNRT ne’ebé mak Povu maioria fo fiar hodi forma governu da-Sia ne’ebé lidera hosi maun boot Xanana Gusmão hodi lori dezenvolvimentu di’ak ba povu no rai ida ne’e.

“Partidu tolu iha nia prinsipiu, dala ruma ema husu hau KHUNTO keta ba hotu karik,  KHUNTO la ba KHUNTO ba aman na’in rua ne’e atu tau ba ne’ebé, ida ne’e sei la akontese, polítika ne’e ita tenke rekoñese ita nia an se mak ita lakon lakon más ami lakon ho dignidade, ami ko’alia mós ami halo duni, se mak halo , na’in rua (Taur/Alkatiri) ne’ebé mak agora tur hela ne’e.

Ikus liu líder supremu ne’e salienta tan katak Jerasaun foun ne’ebé mak tama iha estrutura partidu nian tenke koñese an didi’ak atu sai líder ne’ebé di’ak atu bele lori dezenvolvimentu ba povu no nasaun iha future.

Observasaun Jornalista lafaek news nota iha kongresu partidu KHUNTO nian ba loron daruak marka Prezenza husi atual Sekretáriu Jerál partidu FRETILIN Mári Bin Amudi Alkatiri no atual Prezidente PLP, Taur Matan Ruak no hetan partisipasaun másimu husi Kongresista sira no estrutura Partidu KHUNTO hosi munisípiu 12 inklui RAEOA.

Jornalista : Mateus F. de Deus

Editor       : Agapito de Deus

170 Views
Artikel ini telah dibaca 139 kali

Baca Lainnya

Naimori : “Iha Timor Ha’u ho Ramos Horta Mak Ko’alia Unidade Nasional”

23 April 2024 - 10:39

Berta Kontinua Lidera KHUNTO Ho Sekretariu Jeral Eleitu

23 April 2024 - 10:19

KHUNTO Troka De’it Xefe Bankada La’os Hasai Olinda Husi Partidu

21 April 2024 - 09:19

PR Parabeniza Armanda Berta Iha Kongresu KHUNTO Ba da-IV “Olinda Guterres La Marka Prezensa”

21 April 2024 - 09:13

PR ho PPN Diskute Preparasaun Viajen ba Abudabi  

21 February 2024 - 08:33

Deputadu Antonio Klarifika Hasai Olinda Husi Prezidente Bankada KHUNTO

13 February 2024 - 15:34

Trending di POLÍTIKA