Lafaek News—Ministériu Petroléu no Rekursu Minerais Liu Hosi Sekretariado inisiativa transparensia industri Estrativa Timor Leste ( TL.EITI ) hala’o deziminasaun Relatoriu 2022 ( TL.EITI) nian ba Dala 15 tinan fiskal 2022, atu halo komparasaun orsamentu tinan hirak liu ba.
Objetivu husi sorumutu ne’e TL.EITI atu haklaken relatóriu ba públiku partikularmente ba nivel universidade ho membru governu inklui Sosiedade Sivil, atu oinsá governu Jere rekursu naturais ho transparante.
Ministru Petroléu no Rekursu Minerais Francisco da Costa Monteiro, fo sai katak, desiminasaun relatóriu TL.EITI ba dala-15 ne’e hanesan kontinuasaun atividade kada tinan hala’o liu husi auditorial independente ne’ebé hala’o hosi auditor internasional sira hodi haree orsamentu ne’ebé Timor Leste simu hosi setor administrativu nune’e bele halo komparasaun ho tinan hirak ba kotuk.
“Ida ne’e hanesan semináriu ida ne’ebé lansa desiminasaun informasaun relatóriu EITI nian sequénsia atividade ida ne’ebé kada tinan ita halo liu husi auditoriar independente liu husi auditor internasional sira hodi haree orsamentu ne’ebé Timor simu husi setor administrativu petroléu ho minarai nian atu bele halo komparasaun ho tinan 2022 no 2025,” Francisco da Costa Monteiro sublina.
Relatoriu ne’ebé produz hosi administrator independente, Ernst and Young audit and assosiados – SROC,SA, tuir padraun EITI 2023 ho reseitas total ne’ebé governu Timor Leste simu aumenta ba $ 1.401 kompara ho tinan 2021 iha operadores 31 inklui subsidiáriu no 16 subskontrator sira.
Iha fatin hanesan, Koordenadora Nasional EITI iha Ministériu Petroléu no Rekursu Minerais Emilia Dos Santos, haktuir apresentasaun relatóriu ne’e Objetivo atu fahe informasaun kona-ba reseitas hosi kompania Estrativa sira ne’ebé selu ba governu alende ho reseitas hirak ne’e bele kontribui ba OJE nian.
“Deziminasaun relatóriu EITI ba dala 15 ne’e ho objetivu atu partilla informasaun kona-ba reseitas hosi kompania Estrativa ne’ebé durante selu ba governu no iha reseitas sira ne’e, Ita hotu espera bele kontribui mos ba Orsamento Geral do Estado nian ”
Observasaun Lafaek News nota, iha workshop membru governo sira hosi Ministériu Turizmu, MOP, Ministériu Finansas, Ministériu Transporte no Komunikasaun, inklui Membru Parlamentu (Asunto Ekonómiku), Konsellu Konsultivo Fundu Petrolíferu, Prezidente Administrativu Munisipal, PNTL munisipiu Dili no estudante sira hosi UNTL, UNPAZ, DIT, UNDIL, IOB, ICS, INSTITUTU CANOSSA, JOÃO SALDANHA, UNITAL, INSTITUTO CRISTAL, no UCT no seimanariu ne’e sei hala’o durante loron hosi loron 17 no 18 fulan Marsu 2025.
Jornalista : Natalino Lopez
Editor : Agapito de Deus
