Lafaek News—Ministériu Negósiu Estranjeiru no Kooperasaun (MNEK), ofisialmente entrega edefísiu CPLP ba Ministériu Turizmu Komérsiu no Indústria (MTCI) hodi utiliza ba atividade expo Dubai.
Governante Na’in Rua entrega hela termu dokumentu asinatura kona-ba edefisiu CPLP husi MNEK ba MTCI. Foto Koka Araujo.
Komunikadu imprensa ne’ebé lafaek news asesu liu husi media MTCI, kinta (11/02/21), sita edifisiu Comunidade Países da Lingua Portuguêsa (CPLP), entrega ona husi Ministériu Negósiu Estranjeiru no Kooperasaun (MNEC) ba Ministériu Turizmu, Komérsiu no Indústria (MTCI), liu husi asina termu de entrega entre governante na’in, José Lucas do Carmo da Silva, ho Adaljiza Magno, iha loron kinta 11 fevereiru 2021 iha edifísiu MNEK Pantai Kelapa Dili.
“Edifisiu CPLP sei mamuk hela, no bazeia ba pedidu husi MTCI maka MNEC entrega edifisiu refere ba MTCI atu utiliza husi Autoridade Expo Dubai, no oferese edifisiu ne’e hanesan kontribuisaun MNEC nian ba sucesu Timor Leste iha Expo Dubai,” deklara Adaljiza Magno iha komunikadu imprensa ne’e.
Iha okaziaun asina termu entrega ne’e Ministru MInistru Turizmu Komérsiu no Indústria apresia no agradese tanba MNEK bele koopera hodi oferese ona edifisiu CPLP ba MTCI hodi utiliza ba atividad expo Dubai.
Iha seremonia asinatura ne’e hetan partisipasaun husi Sekretariu Jerál MNEK, Koordenador Expo Dubai, Diretor Jerál ba assuntu Multilaterál, inklui ekipa husi ANED-TL no MNEK.
Mídia MTCI : Koka Araujo
Editora : Nelya Barros
