Lafaek News–Kandidatu prezidente repúblika númeru sorteiu 6, Francisco Guterres Lú Olo hatete, konseitu demokrásia konstitusaun hatur ona ho naran estadu diretitu demokrátiku, demokrásia prinsipiu ida ne’ebé hodi fó biban ba povu rasik atu halo ezerisiu.
Francisco Guterres Lú Olo deklara asuntu ne’e iha debate públiku iha kandidatus Presidente Repúblika períodu 2022-2027 iha salaun Novu Turismu, bainhira hatoo perguntas husi painalista sira kon- ba oinsá nia haree ba lala’ok demokrásia iha Timor Leste.
Konseitu ka prinsipiu demokrásia nian, ita nia konstitusaun hatur tiha kedas ona, mak tau naran ita nia estadu diretitu demokrátiku, demokrásia prinsipiu ida ne’ebé hodi fó biban ba p’ovu rasik atu halo exersisiu liu husi mal kondisaun katak só liu povu nia vontade rasik mak bele fó ba na’in ulun sira atu kaer”, dehan kandidatu Francisco Guterres Lú Olo iha debate konkursu públiku ba kandidatu presidente Repúblika períodu 2022-2027, iha Salaun Novu Turismu tersa kalan (15/03/2022).
Tuir Kandidatu Lú Olo, agora ida ne’e aspetu ida liman demokrásia ninian, demokrásia entermus jerais bele hatete povu hotu-hotu ne’ebé iha relasaun ho ukun na’in sira ne’ebé ukun sempre garante nafatin atu sira hotu bele akompaña prosesu dezenvolvimentu ne’ebé hala’o iha rain liu husi orgaun soberania sira.
Ha’u hakarak atu halo korresaun uituan kona-ba prinsipiu demokrásia la’ós dehan la hanorin ita atu ko’alia maibé demokrásia simplesmente maioria ita atu hatene saida mak ita ko’alia ne’e maka importante liu atu ema hotu-hotu kontribui ideas ne’ebé validu, Ideias ne’ebé validu atu bele hetan solusaun ba problema sira, ideias sira ne’ebé iha valor atu ajuda sira ukun na’in sira hodi bele kurije di’ak liu tan atu lori povu ne’e ba oin”, dehan kandidatu Lú Olo.
Jornalista : Rita Moniz
Editor : Agapito de Deus
