Lafaek News -Kandidatu Prezidente Repúblika periodu 2022-2027, Tenente Jeneral Lere Anan Timur, hateten bainhira Kay Rala ho Kay Olo mak fo bensaun ba nia, Lú Olo sei lakon, tanba Lú Olo ho Marí nia lisan la hanesan.

Lia ne’e hato’o husi Kandidatu Prezidente Jeneral Lere Anan Timur bainhira halo kampañia abertura  iha Munisipiu Manatutu, kuata 02/03/2022.

“Kay Rala ho Kay Olo mak fo Bensaun ba Ha’u Jeneral Lere Anan Timur Lú Olo sei lakon tanba Marí ho Lú Olo lisan la hanesan,” Jeneral Lere Deklara.

Iha ne’e bandeira 4, maibe 4 ne’e mak hamutuk karik Timor sei boot liu iha mundu nia let, Fretilin-Falintil la’o hamutuk CNRT ho PLP,  maibé mesak maun alin no mai husi uma lisan ida de’it Bandeira 4 ne’e mak hamutuk karik Timor bele kiik, maibé naran boot iha mundu.

“Ha’u nia maun Lú Olo rekanidata aan tanba hetan bensaun husi Marí imi lalika fiar bandeira ne’ebé tau iha buletin de votus tanba bandeira Fretilin la’os sira nian de’it maibé sira hakarak privatiza bandeira Fretilin,” Lere afirma.

Lere esplika, Númeru 8 diferente ho númeru hotu-hotu, fila ba fila mai mos nia nafatin 8 tanba ne’e Manatutu oan sira bainhira imi hadomi Xanana tenke hadomi mos Lere tanba maun Xanana hetan bensaun husi rai lorosae Lere mak akompañia.

iha kampania aberta ne’e Populasaun Manatutu haksolok simu kandidatu Prezidente JLAT akompanha ho Bandeira partidu FRETILIN no partidu PLP hodi akompania kandidatu númeru 8 ne’e husi entrada Mananatutu too iha kampu Manatutu vila hodi hala’o kampania dahuluk.