Lafaek News-Kuaze tinan rua nia laran Edukasaun Lautém laiha Diretór hahú hosi 2019 mai to’o 2021, maibe ohin, 10/02/2021 foin simu tomada de pose hodi funsiona ona servisu edukasaun nian iha Lautém.
Tan ne’e, Governu liu husi Ministeriu Edukasaun Juventude no Desportu (MEJD) hamutuk ho Ministériu Administrasaun Estatal (MAE) nomea ona Diretór servisu edukasaun Lautém Rui Manuel Miranda da Costa branco liu husi desapasu desizaun númeru 4002/2021/CFP hodi nomea Nia Asume kargu duran fulan 5, Hahú Fevereiru to’o Jullu 2021.
“Ha’u simu kna’ar ne’e hanesan responsabilidade hodi kontinuasaun servisu ne’ebé halo ona husi Diretór sesante sira,” dehan Diretór Edukasaun Lautém atua, Rui Miranda da Costa Branco liu hosi diskursu, Kuarta (10/02/2021) iha salaun edukasaun Lautém.
Nia hatuta, hakarak ne’e hirarkia de servisu ne’e tenke iha, disiplina ba tempu ne’e ba funsionáriu hotu ne’e normal, lakohi mai sobu buat ne’ebé iha ona, depois mak ita haree problema ruma ou altetasaun ruma ita bele altera.
Nune’e mós, Administradór Lautém, Domingos Savio, hatete, hotu-hotu tenke hanoin katak edukasaun Lautém ne’e la’o ba oin, ha’u sempre bazea ba ita nia funu nain sira nia filojofia Lautém seleru da nasaun tanba ne’e ita hotu hamutuk lori edukasaun Lautém sai númeru um iha Timor.
Iha serimónia toma de pose ne’e hetan partisipasaun hosi Diretór Eskola sira, funsionáriu Edukasaun Munisípiu Lautém no administrador Lautém.
Jornalista : C.E
Editór : Floriano Soares
