LafaekNews–Konsellu Imprensa ( KI) Timor Leste preokupa Jornalista Francisco Belo Simões no Raimondus Oky dadaun ne’e infrenta kazu legal husu Prezidente Repúblika José Ramos Horta akompaña halo intervensaun ba entidade ne’ebé relevante.
Kestaun ne’e hatoo husi Prezidente KI Timor Leste, Virgílio da Silva Guterres, ba jornalista sira iha sesta (01/07/2022), hafoin ho ekipa remata enkontru semanal ho Prezidente Repúblika José Ramos Horta iha Palásiu Prezidensiál bairo-pite.
KI hatoo preokupasaun ba xefi estadu atu tranzmite nune’e xefe estadu bele halo komunikasaun ho entidade relevante kona-ba jornalista na’in rua ne’ebé oras ne’e daudaun infrenta kazu legál hanesan Francisco Belo Simões jornalista Hatutan.com no Raimundos Oki husi The Oekussi Post, husu Xefe estadu atu mós akompaña no halo intervensaun probisidade ba entidade sira ne’ebé relevante”, esplika Prezidente Conselho Imprensa ( CI) Timor-Leste, Virgílio da Silva Guterres iha Palásiu Prezidensiál bairo-pite
Tuir Prezidente CI, jornalista hotu hakruk ba lei, maibé buat importante mak implementasaun lei ne’e labele mai atu sai fali hanesan intimidasaun ka limitasaun garantia konstituisionál sira ne’ebé garante liberdade ba jornalista.
Enerál hanesan jornalista ami dehan ita hotu hakruk ba lei sira maibé buat importante mak implementasaun lei ne’e labele mai atu sai fali hanesan intimidasaun ka entaun limitasaun garantia konstituisionál sira ne’ebé garante liberdade ba jornalista sira”, nia hatete.
Prezidente CI Virgílio haktuir, Agora buat ne’ebé ohin CI partilla mós mak CI buka atu hatene substansia husi infrasaun ba segredu justisa ne’e husi parte ida ne’ebé, atu nune’e KI bele haree mos prosesu ne’e.
Entretantu, kona-ba kazu rua ne’e Prezidente Repúblika José Ramos Horta nia parte sei akompaña liu-liu ba kazu jornalista Raimundos Oki ninian , xefi estadu akompaña hela tanba ne’e kona-ba kazu ida ne’ebé delikadu kona-ba segredu justisa depois mós kona-ba abuzu seksual, sei akompania situasaun nune’e kualkér prosesu ne’e labele sai hanesan entimidasaun ho ameasa ba jornalista sira atu hala’o atividade jornalistiku.
Jornalista: Rita Moniz
Editór : Agapito de Deus
