Lafaek News–Kandidatu Prezidente ho númeru sorteiu 8 Tenente Jeneral (reformadu), Lere Anan Timur informa, Bainhira eleisaun nee remata Lere manan Ka lakon ukun nafatin.
Jeneral Lere Anan Timur hatoo asuntu ne’e ba apoiantes sira bainhira halo kampaña ikus iha kampu tebe bola Dom Bosco Komoro Dili, Kuarta 16/03/2022, hodi dehan, bainhira hetan fiar husi povu ukun ho marka diferensia no muda sistema hotu ne’ebé taka dalan ba povu nia moris.
Povu barak sei terus hela iha nia rai rasik tanba nee, manan mos ukun lakon mós nafatin ukun,” dehan Jeneral Lere.
Lere informa, ema ne’ebé uluk hamutuk la’os haree ba partitidu, maibé haree ba interese nasaun nian tanba partidu ne’e demokrasia.
Ami ne’ebé komandu da luta hamutuk ho ita nia komandu ne’ebé servisu iha Frente diplomátika foti aas interese nasaun no povu, se ita interese de’it partidu entaun ita haluha tiha destinu nasaun nian, tanba dala barak ita haree partidu ida sae ba ukun tau de’it nia ema iha neeba hanesan iha Oe-kuse ema ruma ba servisu tenke iha kartaun FRETILIN nian mak foin bele servisu,” Jeneral Lere Deklara.
Nia afirma, bainhira Lere mak ukun sei muda hotu buat hirak ne’ebé la fo benefisiu ba povu tan ne’e marka diferensia entre lider sira seluk no mos iha nia ukun sei la halo ema ida ulun moras, no sei halo lider sira sei hamnasa.
Hanesan ohin loron hakerek iha neeba manan mos ukun lakon mos ukun, tanba ida nee iha timor akontese ona laos foin ohin mak hau koalia ida neeita nia ukun presiza lider sira lao hamutuk karik ita ida-idak lao keta-kteak nee problema,” Lere esplika.
observasaun Lafaek news, antes kandidatu ne’e husi palku komísiu polítiku, Lere fo agradesimentu boot ba Jornalista destakadu ne’ebé halo kobertura iha ninia kampaña, no mos ba artista sira, ekipa susesu inklui hatoo obrigadu ba apoiantes ne’ebe lori domin boot ba Lere Anan Timur.
Jornalista :Orlando Magno
Editor : Agapito de Deus
