Lafaek News— Juridiku Social (JU,S) rejista kazu asedu sexual ne’ebe komete husi Diretór Ezekutivu (DE) iha instituisaun IP balun ho inisal Apa Boot hasoru nia funsionáriu feto nain rua ho kazu hanesan.
Adelina Meluk de Jesus Lobo, nudar advogadu ba vítima nain 2 haktuir institutu públiku ninia lideransa tenki aplika prosedimentu administrativu disiplinar wainhira lideransa alega viola dever étiku profesional no tenki hakruk ba iha prozedimentu ne’ebé aplikável.
“Institu públiku no empreza públiku nia lideransa tenki sujeitu hanesan mós akontese ba ho funsionáriu sira sei aplika prosedimentu administrativu disiplinar wainhira lideransa Alega viola Dever étiku professional no tenki hakruk ba iha prosedimentu ne’ebé aplikavel exeptu ba iha membru guverno la sujeitu ba iha prosedimentu administrativu iha mak presesu polítiku tuir sira nia kódigu konduta no dejisaun iha primeiru Ministru ninia Liman,” haktuir husi parte JU,S iha konferénsia imprensa foin lalais ne’e.
Asedu sexual hanesan hahalok ne’ebé bandu husi Rejime Júridiku aplika ba iha funsionáriu públiku no tuir lei trabalho nian ba iha instituisaun públiku no empreza públiku hotu hotu iha lei nia protesaun ba iha Asedu sexual
“Tuir faktus hatudu katak iha fulan Agustu tinan ne feto ida ne’ebé vítima ba iha asedu sexual ne’ebe komete husi Diretor Ezekutivu balun iha Institutu públiku depois de informasaun ne’ebé espalha ba públiku mak feto refere foin mai hanesan JUS ninia kliente no JU,S submete ona pedidu formal atu aplika mekanismu prosedimentu ba iha responsabilidade disiplinar ba hahalok repere tuir lei ne’ebé mak iha” nia haktuir.
Iha sorin seluk Advogadu Olivio Barros Afonso, reafirma vítima sira ne’ebé hetan Asedu sexual iha instituisaun públiku sira lalika preokupa no labele tauk katak ema hanoin ida ne’e konspirasaun, se dehan konspirasaun autór husi aktu ne’ebé hanesan ema ne’ebé alegadu ba hahalok sira ne’e nia rasik tenki hatudu evidensia ne’ebé forte dehan ida ne’e konspirasaun.
Iha prátika iha fatin barak hanesan ne duni hahalok kuandu feto ida hato’o informasaun kona-ba situasaun ne’ebé akontese ba nia, ema hotu sempre hateten ida ne’e konspirasaun, sa tan hasoru ho ema ho pozisaun ás, ida ne’e sira sente konspirasaun hanesan mós hahalok Asedu sexual balu ne’ebé komete husi ema boot balun bainhira vítima iha motivasaun korajen atu loke prosesu hasoru ema bot sira ne’e sira sempre dehan ida ne’e konspirasaun, maibé atu hatene de’it ida ne’e lalos argumentu ne’ebe autor sira uza hodi asegura de’it sira nia pozisaun no atu manipula de’it públiku ninia intrepetasaun kona-ba saida mak sira halo.
Ho kazu Asedu sexual ne’e Juridiku Sosial (JUS) ne’ebé hato ona kazu ne’e ba hato ona ba ministeriu ne’ebé mak tutela ba sira mós loke no hahú ona prosesu disiplinar hasoru autór ne’ebe mak alegadu ba nia ho situasaun hirak ne’e Juridiku Sosial la aseita tanba ate agora mesmo ho keiza ne’ebé apresenta prosesu disiplinar loke hasoru suspeito Refere maibé nia sei nafatin ativu servisu lorloron entaun ida ne mós la dun di’ak ba iha vítima sira ne’ebé mak hato ona keiza bele mos loke Vantajen halo presaun influénsia ba iha maluk feto sira ne’e inklui mós liga ho evidensia ho ema ne’ebé sai sasin ba kazu hirak ne nia bele uza nia prensensa iha neba bele halo influénsia ba ida ne’e tanba ne’e jus husu atu devia no ministéiru ne’be tutela ba mós foti medida hodi halo suspensaun preventiva ba autór ne’be komete iha aktu refere
Jornalista : Felix Fernandes
Editor : Agapito de Deus
