Lafaek News-Estudante finalista husi Fakuldade tolu kompostu fakuldade Diretu, fakuldade Saúde Públika Siénsia Medíka no fakuldade teknólogia agríkola, tuir ajénda, ohin Sesta 01/12/2023, sei partisipa seremónia graduasaun iha Universidade da Paz (UNPAZ).
Enkuantu, estudante finalista ka Judista husi fakuldade enjenária kompostu espesialidade enjanária sivíl, espesialidade arkitatura no espesialidade enjenária indústria hamutuk 209 mak hala’o tan Yudisium da ikus iha UNPAZ, kinta 30/11/2023, no tuir ajénda ában sábadu, 02/12/2023, sei halo graduasaun hamutuk ho estudante finalista sira seluk husi fakuldade ekonómia no fakuldade siénsias sosiais umana.
Iha oportunidade ne’e, Dekanu Fakuldade Enjenária Universidade da Paz (UNPAZ), José M. Manequim, AP.Uc.Eg.M Arch, espera, ho abilidade no koñesementu ne’ebé estudante finalista universidade da paz iha bele transforma ba sosiedade bainhira sosiedade presija.
“Tamba ne’e, hanesan Dekanu ba Enjenária Universidade da paz, agradese ba inan aman sira nia apoiu nomós agradese ba estudante finalista sira, tamba sira durante tinan ha’at apriende hamutuk ho ami iha aulas no prátika, tamba ne’e espera ho abilidade no koñesementu ne’ebé sira iha bele transforma ba sosiedade ligadu ho área ne’ebé estudante finalista sira iha,” dehan Dekanu Enjenária ne’e ba Lafaek-News iha UNPAZ, Kinta 30/11/2023, hafoin sermónia Judisium.
Por-enkuantu konabá entermus de rekursu umanu iha tinan ne’e, Universidade da paz ofisialmente produz tán ema ho kualifikasaun iha área oi-oin hamutuk 1.300 resin ne’ebé kompostu fakuldade hamutuk ne’en (6) mak hanesan, fakuldade ekonómia 300 resin, fakuldade diretu 181, fakuldade siensia sosiais umanu 265, fakuldade siensia públika e medikamentu 265, fakuldade enjenária 209, fakuldade teknólogia e agrikola 66 ne’ebé mak gradua iha tinan ne’e.
Ekipa Lafaek News
Editór Marcos da Silva Araujo
