Lafaek News (Aileu)– Kandidata indepwndente Isabel da Costa Ferreira hateten, iha nia fatin atu sai Prezidente la’os tanba previléjiu ida, maibé hakarak sai atan atu tau matan ba povu no konsolida independénsia nian.
Ami mai ho ami nia kandidatura ida ne’e la’os hanoin ba tinan lima, ha’u hanoin ba prezidente ha’u la mai, prezidente la’os ha’u nia objetivu, prezidente hanesan meius ida atu uza prezidente nia influénsia mais estrutura para ha’u bele uza servisu ne’e hamutuk ho povu, hamutuk ho familia, hamutuk ho joven sira, hamutuk ho ema ne’ebé lian laiha, hamutuk ho ema ki’ak ne’ebé presiza atu ajuda,” dehan Isabel Ferreira iha nia kampaña iha Suku Manukasa, Postu-Administrativu Lekidoe Munisípiu Aileu, kuarta (02/03/2022).
Kandidata ne’e informa, nia iha esperénsia durante ne’e hari’i ona fundasaun ida hakarak halo buat di’ak ba povu ida ne’e, maibé labele halo hotu tanba kbi’it mak ida ne’e de’it. https://lafaeknews.tl/joven-tibar-deside-apoiu-isabel-ferreira-ba-aitarak-laran/
Hanesan sidadaun ha’u iha esperénsia ona, ha’u hari’i nia fundasaun ida, ha’u hakarak halo buat barak ba povu ida ne’e, maibé ha’u labele halo hotu tanba ha’u nia kbi’it mak ida ne’e de’it,” informa Isabel Ferreira.
Enkuantu iha nia parte fó ona bolsa estudu ba ema nain 26 no programa konta bebé inklui Aileu mós sai benefisiáriu ba programa ne’e.
Ha’u fó ezemplu ida, ha’u fó bolsa estudu tinan-tinan ha’u só bele fó ba ema na’in 26, ha’u halo programa konta da bebé inklui Aileu familia 61 mak sai benefisiáriu ba programa ne’e husi suku ida ema na’in rua, ne’e tanba fundasaun, sekarik prezidente ita bele fó ba ema barak,” hakotu Isabel Ferreira.
Iha abertura mini kampañia ba dahuluk iha munisípiu Aileu, hetan partisipasaun másimu husi komunidade suku Manukasa, postu administrativu Lekidoe, munisípiu Aileu, autoridade lokál no kampania la’o ho hakmatek tanba apoiu seguransa másimu husi Ofisiál Polisia Suku (OPS) no Batallaun Orden Públiku (BOP).
Jornalista : Juvita dos Santos
Editor : Agapito de Deus
