Lafaek News–Instituto para a Defesa dos Direitos da Criança (INDDICA), husu kandidatus prezidente repúblika na’in 16 no partidus polítikus hotu evita involve labarik kiik oan iha atividade polítika liu-liu kampania prezidénsial periodu 2022.
Husu ba ekipa organizasaun husi kandidatu no partidu polítiku nian hodi kria mekanizmu atu labele husik labarik tama iha área kampañia polítika nian no halo komunikasaun ho báze hodi informa komunidade lokál kona-ba bandu partisipasaun labarik,” nia husu ba kandidatu PR no partidu politiku,’’Marciana Pereira konferensia imprensa ba jornalista sira iha Salaun MSSI Kaikoli, kinta (24/02/22).
INDDICA servisu hamutuk ho parseirus ne’ebé haree asuntu ba direitu no protesaun ba labarik husu ba Kandidatura PR no Partidu Polítiku tenke fo mensajen edukativu no vita uza linguajen di’ak iha kampania prezidensial.
Kandidatu no Partidu Politiku sira bainhira halo kampaña tenke ho Materia edukativu no mós fo mensajen edukativu kona-ba kria paz no evita uza linguajen ne’ebé provoka ho hamosu violensia,” dehan Membru Rede advokasia ne’e
Nune’e, kandidatu no partidu polítiku sira tenke asegura atividade kampañia la’o labele laiha violénsia, no durante períodu mobilizasaun massa, sei la mobiliza labarik ba kampañia, no sei halo kontrolu maka’as ba foin-sa’e sira atu evita risku ba iha violénsia.
Instituto para a Defesa dos Direitos da Criança no Membru Rede Advikasiano ho parseiru hotu sujere ekipa organizasaun kandidatu no partidu polítiku hodi halo área espesífiku iha fatin kampañia ba partisipasaun inan sira-ne’ebé kous bebé, no asegura área refere iha mahon no asesu ba bé, aleinde ne’e husu mós Inan-Aman no mahein labele utiliza labarik sira fa’an sasan iha tempu kampañia.
inan-Aman no mahein haburas nafatin sentimentu respeitu ba malu, no labele fahe labarik sira nia amizade, tamba diferensa polítika hosi família sira,” Dehan Membru Rede Advikasia, Marciana Pereira.
Nia haktuir Profesores sira mantein kompromisu atu labele abandona labarik iha tempu kampañia, labele fo lisensa ba alunus sira atu ba partisipa kampaña durante prosesua aprendizajen (ho esesaun hosi estudante ne’ebé eleitor tiha ona tinan 17 tiha ona).
Nune’e mós ba dirijente eskola no Profesor/a sira asegura kontinuasaun hosi prosesu aprendizajen durante tempu kampaña no rejistu infrasaun dixiplinár ba profesór ne’ebé la marka prezensa,”tenik nia.
Ho ida ne’e Instituto para a Defesa dos Direitos da Criança, no rede advokasia diretu labarik hamutuk ho nia parseiru hotu Sosiedade sivil no Konfisaun Relijiozu sira Igreja nian apoiu nafatin fahe informasaun kona-ba direitu labarik no bandu partisipasaun durante tempu kampaña no Bele fo avisu ba sarani liu husi atividade liturgia iha tempo misa ka kultu durante periodu kampana hodi labele involve labarik iha kampana.
Entretantu, Dinorah Granadeiro reforsa, konstituisaun RDTL no Tratadu sira kona-ba direitus labarik nian ko’alia kona-ba papel Familia, Komunidade no Estadu atu halo protesaun, dezenvolvimentu no promove partisipasaun labarik iha moris publiku nian.
Hanesan ita hotu iha konstuisaun RDTL dadus husi konvensaun Diretu labarik ne’ebè ratifika iha 2003 ko’alia Konaba diretu labarik nian. Ita hotu hanesan familia, komunidade no Estadu iha papel importante atu fò protesaun, dezenvolvimentu, promove partisipasaun diretu labarik sira nian,” dehan Prezidente Instituto para a Defesa dos Direitos da Criança (INDDICA).
Nia haktuir iha festa demokrasia ba dala 5 ne’ebè Besik dadauk ona tuir Orariu CNE nian kampaña sei hala’o iha semana oin fulan marsu ho ida ne’e bandu partesipasaun labarik hotu-hotu Iha Kampaña eleitorál hodi asegura sira-nia diretu. Tanba rejultadu monitorizasaun husi CDC ho parseiru Sosiedade sivil iha moments ne’ebà iha dadus hatuu katak labarik sira involve ho nùmeeu ne’ebè aas iha nivel eleitoral hotu.
Ami nia hanoin fenomena ida ne’e ita tenki haree Hanesan Situasaun importante ida tanba kampaña husi kandidatu sira ne’e maka ùniku dalan festa demokrasia ita hatene katak akontese sempre iha mobilizasaun massa sira,”tenik nia
Nia salienta husi Publiku sira mós Menus koñesimentu konaba diretu labarik sira iha partisipaun politika ne’e mòs Hanesan valores ida atu fò espasu ba familia, sosiedade, militante sira mobiliza labarik sira atu partisipa iha kampaña.
Ho ida ne’e ami nia papel atu fó ami nia hanoin no koñesimentu ba entidade hotu atu labele
utiliza labarik sira iha tempu kampaña. No labarik labele partisipa iha kampanha, duranti prosesu aprendizajem. labarik sira Kuidadu imi nia isin lolon, no karik sai vítima violénsia berani hodi informa ba inan-aman ka ema adultu seluk,” explika nia.
Ho ida ne’e husu ba media no komunikasoens publiku hotu tenke kontinua halo kobertura imparsial no kritìku kona-ba partisipasaun labarik durante periòdu kampañia.
Jornalista : João Soares
Editor : Agapito de Deus
