Lafaek News—Institutu Nasiona Kombate HIV-SIDA, kontinua hala’o sosializasaun kona-ba Virus HIV-SIDA iha Instituisaun Falintil-Forsa Defeza Timor Leste (F-FDTL) iha komponente Naval atu matan moris halo prevensaun sedu ba Virus HIV SIDA .
Iha Sosializasaun ne’e, Prezidente INCSIDA, Daniel Marçal, afirma objetivo sensibilizasaun ne’e ba membru forsa Naval sira atu halo prevensaun virus HIV-SIDA nune’e bele haddok-an husi virus refere.
“Ohin Mai sensenbiliza formasaun HIV SIDA forsas sira, tanba forsa ne’e importante tebes, maibe la’os identifika katak, forsa mak risku ba HIV SIDA, risku ne’e ba ema hotu nudár ema presiza fo hanoin malu tanba ema barak Kona HIV SIDA ne’e hanoin hikus halo uluk tiha mak foin hanoin, ita ema iha Timor sai vítima barak iha problema HIV SIDA,” Daniel Marçal argumenta ba Lafaek News iha Naval Hera, Sesta 15/02/2025.
Sensibilizasaun ne’e hanesan meisu komunikasaun direta atu fo hanoin malu, tanba forsas armafas nudar fató importánsia iha nasaun Timor Leste, tan ne’e presiza fasilita informasaun ba sira (FA), iha nasaun barak forsas armadas sai vítima ba HIV-SIDA, la’os laiha koñesimentu, maibé iha tentasaun balun ne’ebé laiha espera atu akontese, maibé bele iha akontese, tan ne’e Forsas Armadas (FA) parte Komponente Naval koordena ho INCSIDA hodi fahe informasaun ba malu atu bele atensaun sedu ba virus refere.
Virus HIV-SIDA nia problema la haree ba ema se mak halo, maibé dalan ne’ebé risku iha posibilidde atu da’et moras HIV, tan ne’e husu nafatin ba Forsa Armadas sira tenki Kuidadu-an di’ak nafatin atu sai nafatin lutu ba povu no nasaun iha rai ida ne’e.
Iha Fatin hanesan Komandante Komponente Naval Komodoro, Higino Das Neves, hatoo nia agradesimentu ba INCSIDA ne’ebé bele fahe informasaun virus HIV nian atu nune’e bele prevene-an husi virus ne’e iha futuru.
“E nome komandu Naval agradese ba inisiativa INCSIDA bele fahe informasaun virus HIV-SIDA ba Ita hotu atu prevene moras ida ne’e labele kona ita, hanesan ohin Ha’u ko’alia prevene di’ak liu duke kurativu kuandu Ita hanoin kurativu Doutor sira foti liman ita nia dalan mihis ona,” afirma jerente Komponente Naval ne’e.
Hodi dehan, Forsas Armadas importante atu bele simu programa ne’ebe governu apela, tanba Forsa misaun rasik ezije atu bele prevene moras hirak ne’e, tanba hala’o nia misaun iha rai liur derepente nesesidade obriga la komprende bele prezúdika ba nia vida, tan ne’e progarama ne’e importante liu.
“Ha’u fiar katak iha loron tomak ida ne’e Ita boot sira sei simu buat murak Ida iha Ita boot sira nia moris hodi bele eduka ita boot sira nia an kuidadu ita boot sira nia an atu labele monu ba moras ne’ebé ita Hotu hakarak labele kona,” nia hakotu.
Jornalista : Moises Guterres
Editor : Agapito de Deus
