Lafaek News—Prezidente Institutu Nasional Combate HIV-SIDA Daniel Marçal, tuir dadus husi Ministeriu Saude joven ho idade hosi 15 to’o 35, porsentu ás ba moras HIV-SIDA.
“INCSIDA koopera ho diretor eskola Cesar Maulaka ohin mai sensebliza informasaun ba estudante sira, tanba estudante sira futuru munisípiu Ermera no nasaun nian, se imajina sira la hatene oinsá halo prevensaun moras HIV-SIDA nia sira halo seksu livre foin namora de’it gosta moris hamutuk henesan fen-laen, Ita imajina labarik joven sira hanesan sira nia futuru sai oinsá, agora dadaun ita haree HIV ne’e kuaze halo sirkulasaun iha ema barak nia isin, ita la hatene tanba hiv ne’e laiha sintomas ema la hatene tuir estudu peskiza sira ne’ebé halo ona hiv pursentu boot tebes joven feto ho mane tama ona seksu livre, seksu livre tanba saida mane ida halo seksu liu husi feto ida ne e tama ona iha seksu livre, Prezidente INCSIDA Daniel Marçal ba jornalista sira hafoin remata senseblizasaun iha Eskola Sekundaria Sejara Maulaka postu administrativu Letefoho munisípiu Ermera, sesta 29/08/2025/.
Jestor INCSIDA reforsa, atu hamenus virus ne’e iha ema ida-idak nia isin, presiza ema hotu nia kontribuisaun mak kontroka oan sira, papel INCSIDA ninian servisu makas senseblizasaun informasaun, tanba joven sira futuru nasaun ne’e sei ameasa makas joven sira ho idade kiik sei moris ho vida seksu livre.
“Nasaun ne’e sei ameasadu makas nain ulun sira kria dezenvolvimentu kapas ita la servisu makas ita sei la goja buat aira ne’ebé nain ulun sira prepara hela ne’e ema seluk sei mai servisu iha ne’e, tanba saúde la diak moras HIV isin rua sedu kaben-sedu, eskola la ba oin problema boot ba ita,” nia sublina.
Iha Fatin hanesan Diretor eskola sekundáriu Cesar Maulaka, Luis Bendito Soares, apresia INSCIDA hala’o edukasaun sivika kona-ba moras HIV-SIDA ba estudante sira atu nune’e sira bele prevene-an husi vida seksu livre hodi hadok-an husi virus HIV Sida.
“Ida nee importante tebes atu fo konesimentu edukasaun konaba moras nee sira bele iha konesimentu atu bele prevene an no hadok an husi moras ne’ebé oras da-daun akontese iha fatin hotu,” diretor Sekundária Cesar Malulaka
Diretor Cesar Malulaka ne’e husu estudante sira atu focus ba eskola atu bele halo transformasaun ba familia no sosiedade iha future, husik buat ne’ebé laiha valor ba moris, edukasaun mak xave ba dalan future ema hotu-hotu.
Jornalista : Moises Guterres.
