Lafaek News–Foin sa’e sira husi Klibur Juventude Foin sa’e Timor Leste (KJFSTL) halo limpeza jerál husi area pantai Kelapa to’o iha Jardim Habibie objetivu prevene moras dengue
Komisaun organizador, Jacinto Mendonca, hanesan mos estudante husi institutu Sao Joao Brito (ISJB), relata intensaun halibur maluk Juventude sira hodi halo limpeza jerál, tanba haree ba númeru dengue ne’ebe aumenta iha sidade Dili.
Ha’u hanesan komisaun halibur maluk Juventude Sira halo limpeza jeral iha fatin ne’e tamba iha Ita Nia rai moras denge ne’ebe mak numeru aas,tan nee lixu ne’ebe Mak iha tenke tau tuir nia fatin labele soe naklekar de’it ,”dehan Nia ba Jornalista lafaek news iha pantai kelapa foin lalais ne’e
Nia haktuir tan bainhira Tempu udan sempre mosu hela de’it inundasaun iha sidade Dili, tanba falta konsiensia husi ita ema ne’ebé soe lixu, tanba lixu ne’e rasik fo impaktu negativu mai ita bainhira tempu udan.
Ita hare’e wainhira tempu udan sempre mosu hela de’it inundasaun iha fatin fatin, tanba ita laiha konsiénsia hodi soe lixu no lixu ne’e rasik fo impaktu Mai Ita bainhira tempu udan , razaun ida ne’e hakarak halibur maluk sira halo limpeza hodi prevene moras dengue la’os atu redus 100%, maibé ami hakarak halo ida nee sai hanesan ezemplu ida ba komunidade sira,” afirma nia
Jornalista :Domingas Viana
Editor : Agapito de Deus
