Lafaek News—Família simu ona mate isin matebian Aquilis Soares, ne’ebé hakotu peregrinasaun mundu ikus iha salon ATHA Body Salon Massage, iha aldeia Andevil suku Bairo-Pite, postu administrativa Dom Aleixo, munisípiu Dili, iha loron 25/11/2025), hosi Hospital Nasional Guido Valadares (HNGV) hafoin remata prosesu autopsia.
Enkuantu liga matebian Aquilis Soares nia mate, hafoin submete ba prosesu autopsia no rezultadu ikus deklara katak la hatudu sinal violéntu ruma iha matebian isin, maibé matebian sofre duni moras fuan ho durasaun kleur ona, ho nune’e mak kauza nia (matebian) tenke hakotu iis iha fatin refere.
Entretantu, familia mos deside la hala’o prosesu legal, tanba família rasik rekoñese matebian sofre moras fuan kuaze tinan 5 ona, ho ida ne’e familia sira deside atu haloot mate isin ho prosesu normal tuir kultura hosi familia matebian sira nian.
“Nia mate tamba nia moras duni ne’ebe nia infrenta durante tinan lima ne’e no mate la’os ba kauza seluk,” lia tuun hosi familia matebian ba Lafaek News ne’ebe lakohi temi nia identidade, sesta (27/11/2025),
Familia matebian ne’e mos haktuir, relasiona notisia ne’ebé media Lafaek News publika iha loron tersa (25/11/2025), ho titlu Katuas idade (50) resin fa’an SDSB mate iha Atha Salon Body massage, familia rekonese matebian nia idade lolos 55, no nia naran lolos mak Aquilis Soares, la’os Miguel Soares.
ho nune’e, prosesu funeráriu ba matebian ho idade 55 ne’e, ho naran kompletu Aquilis Soares, familia sira sei haloot iha simitériu Bekussi iha loron 29/11/2025, no oras da-daun mate isin sei halo hela prosesu kultura iha matebian nia rezidensia aldeia 12 Novembru suku Santa Kruz, postu Nain-Feto munisípiu Dili molok lori ba haloot iha simitériu Bekussi.
Iha sorin seluk, Nain Ba Salon Athta Massage, Marta Hornai Carvalho, klarifika katak iha salon ida ne’e iha atendimentu oi-oin mak hanesan, massage, pinta liman, pinta ain, no prezensa matebian iha fatin refere ho kedan kondisaun iis boot.
“Ha’u mak nain ba Atha Salon ne’e, kona-ba salon ne’e iha atendimentu oi-oin, dada fuuk, Make-Up, massage, pinta liman kukun no ain-kukun, kona-ba ema mate iha ne’e, ida ne’e agora sai iha media, ema hotu-hotu deskonfia katak salon ne’e mak buti mate ema ne’e, maibé katuas ne’e mai ho duni kondisaun iis boot hela, katuas uza oklu ho masker metin, nia mai iha ne’e iis boot, entaun ha’u staff sira dehan, pai iis boot karik tuur ko’alia uituan lai, sente rilex uituan mak, mak oinsá ita bele atende pai, nune’e pai nonok de’it no hatudu liman ba kuartu laran, entaun nia rasik mak tama ba kuarta laran hodi konervsa hela ho ha’u nia staff ida, nune’e derepente nia nakdedar monu-tuun ho hatais ropa kompletu,” Nain ba Salon Atha Masage, Marta Hornai Carvalho hatoo lia hirak ne’e ba Lafaek News iha fatin Salon Atha, kuarta (26/11/2025).
Marta haktuir, wainhira nia simu informasaun hosi nia staff katak ema ida mate ona salon laran, nue’e nain ba salon ne’e orienta kedan nia staff sira atu liman labele kona matebian nia isin, nune’e nia too kedan iha fatin akontesimentu hodi lori nia staff ne’e ba hatoo kedan informasaun ba iha PNTL eskuadra Komoro (Aimutin), nune’e parte Forénsik too kedan iha fatin akontesimentu hodi halo identifikasaun hodi kontinua lori ba prosesu autopsia iha HNGV no rezultadu ikus hosi autopsia la hatudu sinal negativu ruma, maibé matebian hakotu iis tanba sofre fuan.
Parte seluk Polisia Nasional Timor Leste ( PNTL ), portavoz PNTL Superintendente Polísia João Belo dos Reis, liu husi komunikadu imprensa ho media destakadu PNTL hatoo katak rejultadu Patology hosi HNGV hatudu, matebian hakotu iis tanba kauza husi moras fuan no laiha kazu ruma akontese ba matebian nia isin lolon.
Entretantu, relasiona notisia publikasaun Lafaek News iha pájina facebook ofisisal no yotube lafaek news, ne’ebé la publika matebian nia naran lolos, ho razaun media Lafaek News tenke publika ho urjensia atu nune’e familia sira bele hatene ho lalais, tanba iha akontesimentu akontesimentu laiha familia ida mak hakbesik hodi deklara matebian nia identidade lolos no rekonese matebian hanesan familia.
matebian iha oan hamutuk nain neen (6) kompostu hosi feto tolu (3) mane 3, no feto ida mate ona, hela oan nain lima mak durante ne’e horik hamutuk ho familia, informasaun hirak ne’e familia hatoo ba Lafaek News liu hosi media sosial (whatsaap) iha loron kinta (27/11/2025).
observasaun lafaek news nota iha fatin akontesimentu katak, matebian hetan evukasaun hosi polisia Forensik no parte polisia hala’o mos identifikasaun ba identidade matebian, iha osan dolar aus ida resin no iha surat tahan marka SDSB, no matebian uza kalxa badak (metan) faru metan no taka maskra inklui oklu iha hela nia matebian nia ulun, no tuir familia haktuir ba lafaek news katak, parte PNTL entrega ona matebian sasan balun hanesan osan no surat-tahan SDSB ba familia.
Karta klarifikasaun ne’ebé familia matebian hatoo ba media Lafaek News :
Bodik ba : Sr. Acacio Pinto
: Diretor Redasaun Lafaek News
Asuntu : Konfirmasaun Notisia Lafaek News kona-ba publikasaun Katuas idade (50) resin fa’an SDSB mate iha Atha Salon Body massage.
Iha loron Tersa Feira, Dia 25 de Novembro de 2025 no Lafaek News- Publika katuas ho naran Miguel Sores mate iha fatin buti isin ho naran Atha Salon Body Massage lokaliza iha suku Bairo Pite, aldeia Andevil, Munisípiu Dili, Mate isin refere polisia Nasional Timor Leste (PNTL), evakua ona ho kareta forensik hodi ba Hospital Nasional Guido Valaderes (HNGV) hodi halo prosesu otopsia, matebian,original husi Municipiu Vique-que.akontesementu ne’e akontese iha tuku tolu loraik no PNTL evakua mate isin iha tuku haat balun iha fatin akontesementu hafoin remeta identifikasaun hosi Polisia forensik .25-11-2025 Jornalista : Acacio Pinto,Foto Lafaek News-OFISIAL #Followers
Tambá ne’e ami familia husi matebian hakarak klarifika fali notisia ne’ebé refere hodi hateten kronolojia lolos ba redasaun Lafaek News hodi informa fali ba iha media nia pajina hodi hateten sai ninia kronlojia matebian refere mak hanesan tuir mai ne’e:
- Matebian naran ho Miguel Soares ho idade 50 anos ne’e la loos, naran matebian lolos mak Aquilis Soares ho Idade 55 Anos.
- Tuir notisia ne’ebé ita boot sira fo sai katak matebian ne’e fa’an SDSB ne’e la loos,
Kna’ar lolos matebian ne’e mak hanesan negosiante/ faan nesesidade bázikas.
- Kronolójia matebian:
Iha biban ida ne’e atu klarifika ba redasaun lafaek news katak iha tinan 2020 fulan Agostu matebian refere hetan moras fuan, iha Postu Administrativu Uatolari Munisípiu Vique-que no konsege familia sira lori ba hospital hodi hetan tratamentu.
Matebian ne’e sofre moras tiha struk iha altura ne’eba no nia halo tratamentu to’o mai agora.
Matebian nia moras ne’e komplikadu tebes no dotor halo diágnostika katak nia tenke konsumu aimoruk kurasaun (jantung) ne’e loron-loron to’o nia mate. Bazeia ba ninia historia moras ne’e entaun nia kada semana tenke ba massege fatin hodi komu atu oinsa bele hakmaan ninia moras struk no hafasil sirkulasaun nia ran sira ne’e.
Tambá ne’e atu klarifika katak nia ba mate iha fatin massege ne’e ho ninia moras komplikadu no hetan atakasaun, laiha kauza seluk karik ema interpreta ba buat seluk (ba Negative Thinking) ne’e laiha no nia mate tamba ninia moras ne’e duni.
Ho nune’e husu ba redasaun atu halo hadia ka ralat fali notisia ne’ebe publika antes ona ne’e ou bele hato’o fali notisia bazeia kroligia badak nebe mak ami familia mensiona iha pontus sira iha leten ne’e.
Ikus liu reprezenta familia haraik a’an husu atu lafaek news hadia notisia ne’e atu nunee netizen ka publiku labele halo interpretasaun negative matebian ne’ebé refere. Ba ita nia bo’o nia kumpriensaun no kopera hamutuk ami hato’o obrigado wain.
Jornalista : Acacio Pinto
Editor : Agapito de Deus
