LafaekNews-Fundasaun Forúm Komunikasaun Juventude (F-FCJ), Oratoriu Dom Bosco, Centru Miguel Magone, hala’o hela preparasaun hodi selebra natal hamutuk ho kliente sira iha Sabadu 11/12/2021.
Responsavél ka Case work, uma mahon, Fundasaun Forúm Juventude (F-FCJ), oratoriu Dom Bosco, Miguel Magone, balide Dili, Domingas Pereira, hateten,objetivu husi Natál hamutuk ne’e mak oinsá labarik sira senti maske iha problema kazu ne’ebé oioin ne’ebé hanehan sira no dook husi familia,maibé atu relembra sira senti katak, sira nafatin iha família nia le’et.
Fundasaun Forúm Komunikasaun Juventude (F-FCJ), Oratoriu Dom Bosco, Centru Miguel Magone, foto, Formandu SFLN, Erma do Rosario
“Iha ne’e ha’u hanesan komisaun organizadora,hanesan bai-bain ami la halo buat boot, maibé iha animasaun uitoan, han hemu hamutuk iha divertimentu halo buat ne’ebé rame la hanesan ho situasaun loron bai-bain,”dehan responsavél Uma mahon, Domingas Pereira, ba formandu SFLN, iha F-FCJ, Balide. 10/12/2021.
Nia hatutan, ba konvidadu sira ne’ebé mak sei marka prezensa iha natal hamutuk ne’e, sei espesial ba ema hirak ne’ebé mak koko atu halo fatin ne’e buras to’o agora
Enkuantu labarik sira ne’ebé agora dadauk uma mahon asegura hela iha fatin fundasaun Forúm Komunikasaun Juventude (F-FCJ), Oratoriu Dom Bosco, Centru Miguel Magone, hamutuk 33.
“Iha ne’e agora dadauk ami iha tolu nulu resin tolu(33) no iha mos alin balun ne’ebé mak fila ona ba família maibé ba serimónia aban sira sei hola parte hotu iha natal hamutuk ida-ne’e,” dehan Domingas Pereira.
husi totál kliente no staff ne’ebé hela iha (F-FCJ), Oratoriu Dom Bosco, Centru Miguel Magone, hamutuk 50.
Fundasaun Forúm Komunikasaun Juventude (F-FCJ), Oratoriu Dom Bosco, Centru Miguel Magone, hanesan fatin ida ne’ebé atu akumula feto no labarik sira ne’ebé hetan violasaun sexual, no violensia dometíka, labarik sira ne’ebé hetan diskriminasaun husi família.
Formandu SFLN: Elma Correia do Rosario/Herlina Barros
