Lafaek News—Assosiasaun Akadémiku Estudante Universidade Nasional Timor Loro sa’e (UNTL) preukupa tebes ho jestaun universidade ne’ebé la refleta ho ezijénsia estudante sira nian no professor dotor sira uza universidade hodi halo previlejiu ba sira ninia an.
Asuntu ne’e hatoo husi portavoz Assosiasaun Akadémika Estudantil, Jenia Filomena Lobo iha konferénsia imprensa tersa (24/09/2024) iha UNTL, katak estudante sira konsege identifika problema ne’ebé sira rasik enfrenta kauza husi inkapasidade jestaun universidade nian.
“Liu husi enkontru primeiru asosiasaun maibé nian iha loron 27/07/2024 konsegue identifika problema ne’ebé estudante infrenta por kauza husi inkasipade jestaun universidade nian, maski universidade ida-ne’e finansia husi Estado, liu husi Orsamentu Geral Estadu (OGE) no finansia mos husi estudante liu husi pagamentus propinas no kontribuisaun seluk ba kaixa UNTL Ho inkapasidade Jestaun UNTL nian Asosiasaun Estudantil liu husi enkontru hato’o preokupasaun ba estrutura universidade iha loron 13/08/2024 atu komfirma osan kaixa UNTL maibe la hetan resposta pozitivu husi estrutura universidade no ikus liu iha loron 16/09/2024 reprezenta estudante halo audensia ho Magnífiku Reitor UNTL inklui nia subordinadu nain-4 maibe la halo esklaresimentu ida razoavel, maibe estrutura tenta dezvia estudante sira-nia preokupsaun katak ne’e kompetensia universidade nian no estudante la presiza hatene’e”Nia Esplika
Nia dhn, UNTL tenke halo koordenasaun ho orgaun jestaun universidade nian, hodi buka solusaun ba problema sira ne’ebe estudante sira infrenta iha Universidade, Ho misaun asosiasaun nian ne’ebé difini iha norma estrutura asosiasaun maibé hamutuk ho estudante hola mos papel importante halo kontrolu ba funsionamentu universidade nian. Ho ezistensia universidade nian ne’ebé eziste tempu naruk hatudu katak funsionamentu universidade nian la’o hakdasak, liuliu iha infrasturtura no jestaun finanseira.
Nia mós argumenta professor ka Doutor balun aproveita universidade hodi buka priviléjiu ba nia an no balu aproveita lakunas universidade nian hodi tau ba interesse pesoal, UNTL estabelese ho dekreitu lei n.º 16/2010 hanesan universidade públiku ne’ebé vinkula ho prinsípiu legalidade maibe Asosiasaun no estudante nota katak Profesor Doutor balun aproveita universidade hodi buka previlejiu ba nia an no balun aproveita lakunas universidade nian hodi atinji nia interese pesoal.
Problema Jestaun Finanseira UNTL nu’udar universidade públika, funsiona liu husi fontes rua, orsamentu jeral estadu, no kontribuisaun estudante liu husi kaixa UNTL. Husi fontes rua ne’e asosiasaun maibé ho estudante nota katak orgaun universidade pratika mal gastus no politika ezekusaun osan kaixa la klaru, no iha indisius partisipasaun ekonomika iha universidade.
Jornalista : Jonaida Corte Real/Maria José
Editor : Agapito de Deus
