Lafaek News—Estudante Universidade Nasional Timor Loro sa’e, Fakuldade Medisina Ciensia Saude (FMCS) husu lideransa estrutura FMCS nian atu resolve lalais irregularidade ne’ebé mosu iha fakuldade ninia laran, se la resolve estudante sei blokeia total FMCS.
Asuntu ne’e hatoo hosi portvos, José Armanho Santos Moreira iha loron 12 fulan Maiu 2025, relasiona komunikadu imprensa ne’ebe hala’o ona iha loron 29/04/2025, maibé too ohin loron seidauk hetan resposta hosi estrutura FMCS inklui reitor UNTL rasik.
“Kazu refere reitor tenta ignora ida ne’e hatudu orgaun Universidade nian la halo tratamemtu justu ba komunidade akadémika, maibé sai fali kolaborador ba pratikante sira iha UNTL, professora Lidia Gomes hatudu nia inkapasidade protetor ba profesor ne’ebe prátika kazu asedu sexual no kobransa ilegal inklui violadores UNTL nian, hatudu katak dekana rasik admite atu kazu hirak ne’e akontese,” Armanho sublina.
Estudante hirak deklara katak diretor departamentu parteira ho profesores sira forma departamentu medisina hanesan kompania unipesoal lda hodi limite estudante sira atu labele hala’o estajiu, maske estudante sira prienxe ona rekezitus estajiun nian.
“Rekomenda ba mágnifiku reitor UNTL atu foti medidas ba kazu fakuldae medisina e Siensia de Saude samada urjentemente, dekana medisina siensia saúde professora dotora Lidia Gomes, diretor departamentu parteira prof. Rafael no Diretor STLS, Miguel Soares ne’ebe tenta ignora kazu ne’ebe estudante sira hasoru, husu ba magnífiku reitor UNTL atu urjentimente loke prosesu disiplinar hasoru Diretor stls, aproveita estudante sira hodi hetan lukru atu satisfas ba nessisidade pesoal no ameasa estudante, loke mos prosesu disiplinar hasoru profesor departamentu parteira ne’ebe kansela estudante nain tolu tun estajio, maske estudante nan tolu priensx ona rekezitus estájiu nian, husu ba departamentu stls Miguel Soares atu fo fila xave asosiasaun akademika UNTL ne’ebe hadau iha 29/04/2025, husu ba Director stls Miguel Soares no diretor departamentu parteira Rafael dos Santos atu rejigna an husi kargo Diretor, tanba Ita bo’ot nain rua nia aktu la reflete hanesan manorin diak iha FMCS,” Nia afirima
Tuir observasaun estudante hirak ne’e realiza komunikadu imprensa dala tolu ona, maibé seidauk hetan resposta hosi parte lideransa sira iha universidade nasional ne’e, iha komunikadu imprensa ba datolu iha kampus merah loron 13/05/2025, bainhira remata konferensia imprensa, jornalista lafaek news tenta konfirma ho reitor UNTL, maibé magnifku Reitor UNTL ne’e rasik laiha komentáriu.
Jornalista : Maria José/Jonaida Corte Real
