Lafaek News–Prezidente Comisaun Nasional das Eleisoens (CNE),José Belo husu kandidatus prezidente repúblika nain 16 evita utiliza labarik sira iha periodu kampania, labarik sira iha direitu atu ba eskola.
Prezidente CNE José Belo hatoo asuntu ne’e, hafoin remata reuniaun ho Prezidente Repúblika Francisco Guterres Lú Olo, segunda (21/02/22) iha palasiu prezidensia Bairu-Pite, no husu ba kandidatu hotu labele utiliza labarik sira iha atividade polítika perante eventu polítika.
https://lafaeknews.tl/CNE-Bandu-Kandidatu-PR-Labele-Uza-Palku-Trata-Malu-Iha-Povu-Nia-Oin/
Husu kandidatu sira liliu ekipa susesu ida-idak evita labele utiliza labarik kiik sira atu tuir kampaña, tanba sira laos tempu, husik sira eskola, kampaña ne’e manas ho situasaun sira hanesan ne’e la ajuda sira iha sira nia moris nian,” José sublina.
Iha okaziaun ne’e, José Belo hateten, antes kampañia kandidatus Prezidente Repúblika períodu 2022-2027 aprezenta oráriu ba CNE atu halo konkordánsia nune’e bele kumpri lei ne’ebé mak iha.
Oráriu kampaña nia hahú husi 0:800 too 6:30 ne’ebé ba seluk sira tenke tetu ona, programa sira hatoo ona ba, kalendáriu kampañia sei hatama hotu ba CNE sei halo konkordansia ba sira atu nune’e sira bele kumpri lei ne’ebé mak iha,” dehan prezidente CNE ne’e.
Jornalista : Rita Moniz
Editor : Agapito de Deus
