Lafaek News—Centro Nasional Chega! Intitutu Públiku (CNC!I.P) hamutuk ho Fundu Kapital Dezenvolvimentu Humanu (FDCH-sigla Portugés), iha Sesta-feira, 13 marsu 2026, asina kontratu subsídiu estudu ba sobrevivente nia oan (bolseiru) nain 16 (feto 12 no mane 3) hodi kontinua estudu iha Ensinu Superior iha Timor-Leste.
Iha diskursus Diretór Ezekutivu CNC!I.P, Hugo Maria Fernandes esplika katak bolsu estudo ida hanesan onra ida ba sobrivivente, tanba iha tinan 1975-1999 sobrevivente sira labele atinje sira mehi no labele kontinua prosesu aprendizajen ho di’ak iha ámbitu funu nia laran
“Atu ko’alia ba sira katak bolsu ne’ebe imi simu primeiru atu fo onra ba inan-aman, tanba sira lakon oportunidade hanesan imi atu escola no atu atinje imi nia avo sira hakarak ba sira, tanba sira moris iha situasaun ne’ebe la hanesan entaun bolsu ne’ebe imi simu tenki fo dunik sentidu ida ondra, respeitu,no dignifika imi nia inan aman sira nia sakrifisio, partisipasaun hodi Rai ne’e ba ukun rasik an, segundu tenki halo bolsu estudu ne’e ba imi nia an hansan orgulho Ida katak ami bele hanesan ona ho sosiadade seluk, nia oan sira imi sobrivivente nia oan sira mos bele escola entaun tenki esforsu, terseiru imi tenki hatur katak ida ne’e rekuinesementu ida husi estado,buat tolu ne’e mak ha’u husu ba alin foun sira atu rai metin signifikansia bolsu ne’e ida ba imi nia an no inan-aman ida ba estadu,” Diretor Centro Nasional Chega! I.P Hugo Maria Fernandes iha komarka antigu Balide Dili 13/03/2026
Lider CNC! I.P ne’e mos enkoraza bolseiro sira atu estuda makas no tenki prense kriteria sira no bolseiro ne’ebe la prense kriteria Centro Nasional Chega (CNC) sei haruka karta no sei hapara estudu.
“Tinan ida ne’e ha’u haruka karta ba maun Julio atu hapara nain 4 bolsu tanba la prense rekezitus, baruk la ba escola, valor la di’ak, ema seluk iha liur neba hein hela estadu loke matan ba sira, ida ne’e la’os halo tauk maibé ne’e motivasaun ida, prosesu ida ne’e mos la fasil ne’ebe uza bolsu ne’e ho di’ak”nia afirma
Iha Fatin hanesan Diretor Ezekutivu FDCH, Julio Apariçio husu ba ba bolseiru sira atu estuda didi’ak nune’e labele bolu ema Xineza sira patraun iha ninia rain-rasik.
“Husu ba alin sira estuda makas tanba atu kore imi nia terus ne’e la’os ami maibé imi rasik, governu, inan-aman no ami ne’e hanesan fasilitador atu nune’e imi bele hetan futuru, Ita haree iha Dili laran, Xina dumina sira husi oin, Ita husi kotuk mai dehan lisensa boss, ne’e rai ida ne’e labele atu kontinua tan, buat hotu sei fasil se-wanhira ita rasik esforsu! ha’u husu ba ita bo’ot sira Ita hamutuk atu hadia rai ida ne’e,Ita terus nia oan lable hlo terus tan Ita nia an,tenki estuda”nia relata
Reprezentante Bolseiro 16, Juleta Maria Soares, hateten ho bolsu estudo ne’e sira promete ho responsavel ba dezenvolvementu rai-laran
“Hakarak hato obrigada ba nai ulun sira tanba husi imi nia tulun mak bele tulun ami husi familia sobre vivente sira hahu tinan 1975 mai to 1999 husi ita bo’ot sira nia tulun bele hamahan mos ami nia inan aman sira nia todan ne’ebe iha sira nia kabas, obrigada ba bolseiro ami promete ba ami nia an atu estuda makas no foti responsablidade atu kontribui ba desenvolvementu rai laran ida oportunidade bo’ot ida atu desenvolve ami nia kuinesementu,”nia hatete
Bolseiro nain 16 ne’e sei hala’o sira nia estudo iha nivel Ensino Superior sira iha Timor Leste, hanesan Universidade Dili (UNDIL), Universidade da Paz (UNPAZ), Universidade Nacional Timor Lorosae (UNTL), Intituto Superior Cristal (ICS), Intituto Ciénsias da Saúde (ICS)Institute of Busines (IOB) no Dili Intitute of Technology (DIT)
Jornalista: Maria Jose/ Gracya
