Lafaek News—Governu Austrália apoiu orsamentu Dollar Amerikanu Rihun Sanulu Resin ida ($11.000) ba Raes Hadomi Timor oan (RHTO) hodi halo reabilitasaun ba sentru rekursu edukasaun inkluzivu Taibessi ne’ebe halo serimonia inagurasaun iha loron sesta (24/10/2025),
Prosesu serimonia ingura hosi Ministra Edukasaun Dulce de Jesus Soares, hatoo nia agradesimetu ba RHTO ho governu Austrália ne’ebé apoiu ona finanseiru hodi reabilita sentru formasaun inkluzivu Taibessi.
“Ohin Ministériu Edukasaun hamutuk ho RHTO no embaixada Austrália ne’ebe fo apoiu ba RHTO liu husi Ministériu Edukasaun hodi halo rampa asesiblidade ba sentru rekursu edukasaun inklusivo iha ne’e no halo konstrusaun ba sala sira iha laran, ita agradese tebes no-mos ba RHTO no diresaun nasional asaun nasional escolar Ministériu Edukasaun, halo servisu ida diak tebes mezmu uituan, maibé kontinua servisu nafatin iha sentru munispiu Dili, Aileu no Lautem, agora prosesu estabelese hela iha RAEOA, entaun ita espera katak ita nia maluk defisiénsia sira, sentru ida ne’e bele ajuda sira ba formasaun letra no brille no jestuál,” Dulce de Jesus Soares ba Jornalista sira iha Escola Inkluzivu Taibesi, Dili 24/10/2025
Governante ne’e hatoo agradesimentu ba formador sira ne’ebé hanorin iha eskola refere, ho sira nia esforsu no luta hodi tulu maluk defisiensia sira liu hosi prosesu aprendizajen.
Iha fatin hanesan, Diretor ezekutivo RHTO, Joãozito do Santos hateten ho reabilitasan ida ne’e la’os hala’o karidade, maibé hanesan dezevolvimentu ba rai doben Timor, agradese ba Governu tanba bele ih ona polítika ba iha edukasaun inkluzivu.
“Organizasaun ema ho defisiénsia RHTO hamutuk ho organizasaun sira seluk ami sai hanesan rekursu la’os hanesan karidade ami hola parte mos hanesan prosesu dezenvolvimentu ba rai doben Timor, kontenti tanba ita iha ona polítika nasional ba edukasaun inklusivu,” Joãozito afirma.
Raes Hadomi Timor oan RHTO mos hetan apoiu husi governu Australia no apoia insentivu ba estudante sira husi ensinu báziku too ensinu Sekundária no ba sira ne’ebe la hetan bolsa da mãe kondisional.
Entretantu, total estudante husi Escola Sentru Formasaun Edukasaun Inkluzivu Taibesi, kompostu hosi mane 20, feto 10 no defisiénsia nain 10 sai profesores ba defisiénsia nian.
Jornalista : Amandio Leite
