Lafaek News – Hamrik Udan Laran sei la mate tan tinan lima importante tebes ba povu Timor-Leste tanba Jeneral Lere Anan Timur Husik kargu militar atu manan iha eleisaun Prezidente Repúblika periodu 2022-2027.
Lia hirak ne’e hato’o husi kandidatu Prezidente Repúblika ho númeru sorteiu 8, tenente Jeneral (reformadu) Lere Anan Timur ba apoiuante sira liu husi nia diskursu polítika iha kampaña ba dala ikus iha Taibesi Dili, Tersa (15/03/2022).
Udan la mate maske hamrik iha udan laran bainhira, ha’u sai prezidente la’os ba grupu de’it maibé ha’u prezidente ba ema hotu liu-liu povu Timor-Leste tanba ha’u husik fitun tolu atu manan la’os atu lakon,”dehan Jeneral Lere liu husi ninia intervensaun bainhira hala’o kampaña iha Taibesi Dili, Tersa 15/03/2022.
Jeneral Lere esplika, maske la eskola maibé atu sai prezidente la difisil bainhira halo diálogu ho lider sira seluk, maibé difisil ba ema atu sai prezidente tanba lakohi halo diálogu ho nia maluk sira.
Ha’u la estuda konaba prezidente maibé ha’u estuda konaba Militar nian entaun ha’u sai prezidente tenke haree ida ne’ebé loos ha’u dehan loos ida ne’ebé sala ha’u dehan sala,” Jenerál Lere deklara.
Hodi dehanm ema ne’ebé militar sempre sira atu hadia buat ne’ebé la’o la loos, maibé Jeneral Lere sai prezidente sei hadomi liu povu Timor-Leste no hamaran sira nia mata-wen.
Ha’u sai prezidente husi povu nia domin entaun ha’u nfatin hadomi povu maibé ha’u sei siak ba ema koruptor, ema baruk ten, no mós ha’u sei si’ak ema opportunista sira tanba faluk oan Ki’ak ohin loron sei halerik entaun ita lakoi hakiak ema na’ok ten iha Timor-Leste, hakarak joven Timor-Leste nia futuru ne’ebé di’ak no haksolok hodi dezemvolve rai Timor tanba nasaun nia destinu iha joven nia liman,” nia deklara.
Observasaun Jornalista nian kandidatu prezidente Jeneral Lere Anan Timur (JLAT) nia kampaña ne’ebé realiza iha kampu futebol Taibesi, apoiantes sira la sente malirin no kolen atu rona kandidatu nia komisiu polítika maske udan ben habokon sira nia isin maibe apoiantes sira nafatin haksolok no haklalak.
Jornalista :Orlando Magno.
Editor : Agapito de Deus
