Lafaek News—Prezidente Autoridade Munisipiu Dili (AMD), Guilhermina Filomena Saldanha Ribeiro, hala’o inagurasaun edifisiu Ambulatóriu Sentru Saúde Vera Krúz ne’ebé reabilita husi Kompana Garenez Unipesoal Lda, durante fulan loron 30 nia laranb hodi entrega ba Sentru Saúde utiliza.
“Iha loraik ida ne’e, Ita hamutuk hodi ingura Ambulatóriu Sentru Saúde Vera Krúz, ne’ebé ha’u la iha liafuan hakarak hato’o de’it katak buat kiik oan sira hanesan entrega ba ita hotu hodi uza, hein katak bele hamenus profesionais sira nia susar ne’ebé mak servisu iha ambiente ne’ebé mak diak it oan, hare la tuir hakarak, maibé ida ne’e diak it oa atu nune’e sira bele atende Komunidade sira hotu,”hatete Prezidente Autoridade Munisipiu Dili (AMD), Guilhermina Filomena Saldanha Ribeiro, husi diskursu iha ámbitu inaugurasaun Sentru Saúde Vera Krúz, Kinta (15/12/2022)
Alende ida ne’e Autoridade Munisípiu Dili, la haluha mós fo parabens ba profesionais saúde sira ne’ebé servisu iha sentru saúde, no Diretora Komapana Garenez Unipesoal.Lda nian, nu’udar feto más hatudu komitmentu hodi halo projetu too iha Fulan tolu hahu( 21/10/2022), no remata (15/12/2022), maibé bele halo de’it iha fulan ida ho balun, husi ida ne’e agradese no fo parabens dala ida tan ba Diretora Komapana nian. Katak Autoridade Munisípiu Dili
Entretantu, Diretora Kompana Gaerenez Unipesoal Lda, Delia Araujo de Jesus reforsa tan liuhusi bibain ida ne’e nia hato’o Agradese tebes ba estrutura AMD ne’ebé ho fiar hodi hala’o reahabilitasaun Ambulatóriu Sentru Saúde Vera Krúz, ho nia Medida luan metru 7 no naruk metru 37,5, hodi hala’o konstrusaun rehabilitasaun ba sentru saúde ne’e ho remata iha kinta /15/12/2022 no entrega ba Sentru Saúde Vera Krúz
“Reaabilitasaun ida ne’e limitadu tebes, maibé hanesan parseiru sira servisu ho AMD iha tinan barak ona, ha’u esforsu hodi kompleta obra ida ne’e durante fulan ida ho balun, hodi nune’e pesoal saúde sira utiliza hodi atende ita nia Komunidade sira ne’ebé mak trata sira nia Saúde fatin ida ne’e,”katak nia
Diretora Kompaña Garenez nafatin fo mensangen no lia menon ida ne’ebé murak ba parte servisu Munisipiu Dili no hanesan benefisiariu ba obra ida ne’e atu kuidadu didiak fatin ida ne’e, hodi nune’e bele kontinua utiliza no atende Komunidade sira iha tempu naruk nia laran ho di’ak.
Iha fatin hanesan, Diretora Servisu Saúde Munisipiu Dili, Maria Seguradu afirma, Sentru Saúde Vera Krúz hanesan ita hotu-hotu hatene, tanba kestaun fatin do’ok, no apoiu husi sira seluk mos difisil uituan, ho ida ne’e muda fila-fali mai iha formoza, hodi utiliza fatin ne’ebé durante la sufisiente ba atendementu sira no mós ba pasiente sira.
“Ida ne’e maka ita bele simu no espera katak fatin ida ne’e sufisiente ba iha asistensia konsulta Ambulatóriu ba iha Komunidade Vera Krúz no sira seluk,”nia dehan.
Tan ne’e dehan, ba orsamentu ne’ebé apoiu ba reahabilitasaun ne’e husi Ministériu Administrasaun Estatál (MAE) ho Montante 30,200.85 USD, no ekipamentus ne’ebé momentu muda fali tanba ekipamentus atual foun hodi tama fali no sala edifisiu ambulatóriu ne’e iha sala sia (9).
Jornalista : Adolfina Soares
Editor : Aniceto Dias
